Hari amakuru avuga ko hari ukurebana nabi hagati ya Kapiteni w’Ikipe ya Barcelona, Lionel Messi na mugenzi we, Antoine Griezmann. Aya makuru avuga ko Messi nk’umwe mu bantu baha ikaze abakinnyi bashya muri Barcelona, kugeza ubu ngo asa n’utarareba neza Griezmann. Uyu mwuka mubi ngo uraturuka ku kuba Griezmann ataratanga umusaruro yari yitezweho ubwo yagurwaga ava mu Ikipe ya Atletico Madrid. Ku ruhande rw’abo muri Barcelona ariko barahakana aya makuru, ariko bakavuga ko bishoboka ko Messi atariyumvamo neza Griezmann nk’uko yakwiyumvamo Louis Suarez na we ukina muri iyi kipe. Ati “ Babanye neza [Messi na Griezmann]. Uko bameranye ubu ni nk’uko Messi yaba ari kumwe na Dembele, Pedro, Villa.” Si Messi wenyine uvugwaho kwirengagiza Griezmann kuko na Louis Suarez avugwa muri iki kibazo nk’uko Sport Bible yabitangaje. Ni umusaruro benshi bemeza ko ukiri muke ugereranyije n’uwo yari yitezweho.
Umukinnyi wo muri iyi kipe, Gerard Pique yabwiye Cadena Ser ko aya makuru atari impamo kuko ngo Messi ameranye neza na Griezmann.
Yakomeje agira ati “ Hari ababona ko Messi adakunda kuba ari kumwe na Griezmann nk’uko bimeze kuri Louis ariko ibi ntibivuze ko batabanye neza.”
Kugeza ubu, Griezmann kuva yagera muri Barcelona amaze gutsinda ibitego bine mu mikino isaga imikino 10 amaze gukinira iyi kipe.
2 Responses
Haravugwa ukurebana nabi hagati ya Messi na Griezmann
murakoze kudushikiriza ayo makuru gusa messi harabavuga ngo agiraje muri city byobaribyo
Haravugwa ukurebana nabi hagati ya Messi na Griezmann
murakoze kudushikiriza ayo makuru gusa messi harabavuga ngo agiraje muri city byobaribyo