Muri Repubulika Iharanira Demukarasi ya Congo, biravugwa ko Brig. Gen. Mpiranya Léon Cyprien (Kagoma ugaragara ibumoso mu ifoto), umuyobozi w’umutwe wa RUD Urunana urwanya ubutegetsi bw’u Rwanda yaba wayoboraga umutwe wa RUD-Urunana yaba yarapfuye tariki ya 29 Kanama 2020.
Aya makuru ataremezwa n’urwego na rumwe rubifitiye ububasha avuga ko yiciwe mu bitero ingabo za RDC (FARDC) ziri kugaba ku mitwe y’inyeshyamba ishinjwa guhungabanya umutekano w’abaturage muri burasirazuba bw’igihugu mu Ntara za Kivu zombi na Ituri.
We ngo yaba yaraguye mu gitero cyagabwe muri Teritwari ya Rutshuru mu Ntara ya Kivu y’Amajyaruguru. Iyi Teritwari izwiho kubamo abarwanyi ba FDLR na RUD Urunana, bamwe bemeza ko ari nk’icyicaro cy’iyi mitwe.
Hari andi makuru avuga ko Brig. Gen. Kagoma yaba yishwe bitewe n’ubwumvikane buke hagati ye n’umwe mu byegera bye, Col. Rugema nk’uko Igihe babitangaje.
Niba koko amakuru ari impamo, Col. Kagoma yaba apfuye Gen. Afurika Jean Michel yasimbuye, warashwe na FARDC tariki ya 9 Ugushyingo 2019, mu gace ka Binza, hafi y’umupaka wa RDC na Uganda.
Tariki ya 17 Ugushyingo 2019, inama nkuru ya RUD Urunana yarateranye ishaka usimbura Gen. Afurika, yemeza Col. Kagoma ndetse ahita azamurwa ku ipeti rya ‘Brigadier General’.
2 Responses
Haravugwa urupfu rwa Komanda wa RUD Urunana, Brig. Gen. Kagoma
Erega nta cyiza cy’ishyamba mwabantu mwe!
Haravugwa urupfu rwa Komanda wa RUD Urunana, Brig. Gen. Kagoma
Erega nta cyiza cy’ishyamba mwabantu mwe!