Ibiciro by’ingendo biherutse gushyirwaho byahagaritswe

Ni nyuma y’aho ibi biciro byakuruye impaka ndende, aho RURA yashinjwaga kubizamura mu buryo budafite impamvu.

Itangazo rya RURA rigira riti: “Hashingiwe ku byemezo by’inama Minisitiri w’Intebe yagiranye n’inzego zitandukanye, RURA iramenyesha Abaturarwanda bose ko ibiciro by’ingendo rusange byari byashyizweho tariki 14/10/2020 byahagaritswe mu gihe hagisuzumwa uko ubukungu bugenda bwisuganya muri ibi bihe bya Koronavirusi.”

Ryakomeje riti: “Muri iki gihe Leta izatanga ubwunganizi ku giciro cy’ingendo, mu rwego rwo kunganira abagenzi kuberaingaruka z’ihungabana ry’ubukungu ryatewe n’icyorezo cya Koronavirusi.”

Hashyizweho ibiciro bishya bizatangira gushyirwa mu bikorwa guhera tariki ya 23 Ukwakira 2020, biteye bitya:

Mu mujyi wa Kigali: Umugenzi umwe azajya yishyura amafaranga y’u Rwanda 22 ku kilometero kimwe.