Perezida w’Afurika y’Epfo, Cyril Ramaphosa, yavuze ko urugomo rwibasiye iki gihugu rwari rwarateguwe mbere, avuga ko ibi ari igitero cyagabwe kuri demokarasi. Mu ruzinduko Ramaphosa yagiriye mu ntara ya KwaZulu-Natal aho Zuma avuka hakaba ari na ryo zingiro ry’uru rugomo – yagize ati: “Biragaragara neza ko ibi bikorwa byose by’imidugararo no gusahura byashishikarijwe, hari abantu babiteguye banakora ihuzabikorwa ryabyo”. Perezida Ramaphosa yavuze ko iyi midugararo ari ukugerageza gushimuta demokarasi y’Afurika y’epfo. Yabwiye abamushyigikiye ko abayiteguye batahuwe, ariko ntiyagira andi makuru arenzeho atanga. Yongeyeho ati: “Tugiye kubafata”. Imidugararo yatejwe n’ifungwa rya Jacob Zuma wahoze ari Perezida. Umubare w’abamaze gupfa wazamutse ugera ku bantu 212, biyongereyeho hafi 100 kuva ku wa kane, nkuko leta yabivuze. Abantu barenga 2,500 batawe muri yombi bakurikiranyweho kugira uruhare mu midugararo.
