Ibivugwa kuri Mpandeshatu ya Bermuda, abenshi bizera ko ari irembo rijya ikuzimu

Ibigwi by’agace ka Berimuda Triangle

Mpandeshatu ya Bermuda ni agace gafite km2 1,294,994.06, Hari ubushakashatsi bwakozwe kuri aka gace bugenda bunyuranya ku mpamvu nyamukuru yaba itera aka gace kugira imbaragara zidasanzwe.

Amateka agaragaza ko ako gace kari mu twavumbuwe n’umuvumbuzi w’Umutaliyani, Christopher Columbus. Inyandiko ya Bitanicca.org ivuga ko ubwo Christopher Columbus yari mu bwato ajya kuvumbura isi nshya (Amerika) yaje kubona umuriro uturuka mu kirere wikubita mu mazi y’ako gace, nyuma kaza kumara ibyumweru birenga 5 haka umuriro muri ayo mazi.

Iki gihe ngo icyuma kiranga amerekezo cye cyatangiye kubura ubushobozi. Columbus wakundaga kuvumbura byinshi bitazwi ngo yahise ahindura amerekezo y’ubwato bwe, kuko yaketse ko muri ako gace ashobora kuhahurira n’akaga gakomeye. Nyuma mu nyandiko yasohoye yagaragaje ko agace karimo Mpandeshatu ya Bermuda ari izingiro ry’imbaraga rukuruzi zose ziri ku Isi ziherereye,.

Ingero z’indege n’amato yaburiwe irengero muri Mpandeshatu ya Bermuda

Mu mwaka w’1909, Joshua Slocum yaburiye muri aka gace ka Bermuda. Bivugwa ko Joshua Slocum yari avuye muri Martha yerekeza muri Amerika y’Epfo. Ubwo yari mu nzira agenda ngo ubwato bwe bwaje gukururwa n’imabaraga atasobanukiwe aho ziturutse. Iki gihe ngo yohereje telegram iwabo igira iti: “Ndimo kurushwa imbaraga n’amazi tugezemo, zishobora no gutuma turohama”

Umwanditsi w’umwongereza William Shakespeare mu gitabo yise ‘The Tempest” bivugwa ko yaba yaragarutse ku mbaraga zidasanzwe zigaragara mu mazi no ku kirere cy’iyi mpande eshatu. Gusa abahanga bandi bemeza ko izi mbaraga zidasanzwe zigaragara muri aka gace zishobora kuba zarabayeho mu myaka yo hambere, zikaza kumenyekana neza mu ntangiriro z’ikinyejan cya 20.

Muri Werurwe 1918, ubwato butwara ibikoresho by’igisirikare cya Amerika bwaburiwe irengero. Nyuma ababucungiraga hafi ku ikoranabuhanga batangaza ko ubwo bwato bwabuze bugeze hagati y’ibirwa bya Barbados n’icyambu cya Chesapeake Bay. Perezida wa Leta Zunze Ubumwe z’Amerika Woodrow Wilson yagize ati: “Imana yonyine n’iyi Nyanja nibyo byamenya icyabaye kuri ubu bwato” bivuze ko nta makuru na make bigeze babona nyuma y’iburirwa irengero ry’ubu bwato.

Mu mwaka 1941, andi mato 2 ya Amerika yo mu bwoko bwa Cyclops yaburiwe irengero muri aka gace ntihagira ikimenyetso na kimwe asiga inyuma cyagaragaza icyaba kiyateye kurohama.

Mu Kuboza 1945, amato 5 y’intambara y’Abanyamerika na none yari atwaye ibisasu byifashishwaga mu ntambara y’Isi yaburiwe irengero ubwo yari ageze gu gace k’amazi magari kari hagati Fort Lauderdale na Florida. Ni amato yarimo abasirikare bagera kuri 12 ba Amerika.

Muri uyu mwaka kandi indege z’intambara za Amerika 5 zaburiwe irengero muri ako gace, nyuma yo gusiga ubutumwa bugaragaza ko bashiranwe n’amavuta ya Moteri. Uyu munsi Amerika yahise yohereza indege y’ubutabazi irimo abakozi 13 , nayo ihita iburirwa irengero.

Uko Mpandeshatu ya Bermuda yamanyekanye nk’impamvu nyamukuru y’ibura ry’amato n’indege mu kinyejana cya 20

Umwanditsi Vincent Gaddis niwe wakoresheje bwa mbere ijambo Mpandeshatu ya Bermuda (Bermuda Triangle), iki gihe yayigereranyaga n’irimbi rwasamiye buri umwe wese utazagira amakenga mu gihe cyose ahaciye. Mu nyandiko yasohoye mu kinyamakuru The Times, yaburiye abantu bose bakoresha amazi n’ikirere cya Atlantic ko mu gace kari hagati ya Bermuda, Puerto Rico na Miami, hari imbaraga zidasanzwe zituma indege n’amato ahegereye aburirwa irengero.

Charles Berlitz, mu nyadiko yasohoye mu mwaka 1974 yavuze ka Mpandeshatu ya Bermuda, ari icumbi ry’ibiremwa bituruka ku yindi mibumbe (Aliens) bityo ko ari byo birya kuri kimwe cyose kinyuze muri ako gace.

Icyo Siyansi ivuga kuri Mpandeshatu ya Bermuda.

Dr. Slash Dear impuguke muri siyansi yakoze ubushakashatsi ku mbaraga zivugwa kuri Mpandeshatu ya Bermuda, avuga ko impamvu nyamukuru itera aka gace gukurura amato n’indege ari uko karimo gaze metane nyinshi. Ibi bigaturuka kuri rukuruzi y’Isi isa naho ifite ubuhumekero muri aka gace.