Ifi nini yitwa Sili yo ku kirwa cya Burton mu gihugu cya Australia yafashije polisi gufata abacuruza ibiyobyabwenge babiri muri batanu bari mu nyanja.
Polisi itangaza ko yafashe aba bacuruzi bitewe n’ifi yabakumiriye, ikababuza kwinjira mu bwato buto bashakaga gukoresha batoroka.
Komiseri wa Polisi ku kirwa cya Burton, Chris Dawson yatangaje ko uburakari bw’iyi fi bwatumye abacuruzi b’ibiyobyabwenge batabasha gukomeza gutoroka.
Ati “ Aba bacuruzi b’ibiyobyabwenge bagerageje kuza guhisha ibicuruzwa byabo ku kirwa. Bamenye ko bakurikiwe bahise binjira mu bwato bwabo buto bashaka gutoroka. Babiri muri aba bakumiriwe n’uburakari bwa Sili wari warakaye, barafatwa.”
Umwe mu baturage bari aho yabwiye ABC ati “ Bakanguye Sili ihita izamuka mu kirere n’uburakari bwinshi, babonye uko ingana bashya ubwoba.”
[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
Aba bagabo nk’uko BBC dukesha iyi nkuru ibitangaza, babonye nta nzira bagifite, bahitamo guhagarara bagatabwa muri yombi.
