Ifoto ya Cake y’urwibutso rw’umwaka umwe Uganda Airlines imaze ikomorewe gukora ingendo zo mu kirere ikomeje gutungura benshi ku mbuga nkoranyambaga.
Ubusanzwe ikigo Uganda Airlines cyari kimaze imyaka igera kuri 20 gikora ariko mu buryo butari ubwa kinyamwuga, gusa mu mwaka w’2019 ni bwo iki kigo cyahawe ibyangombwa mpuzamahanga bicyemerera gukora ingendo ku Isi yose.
Mu rwego rwo kwizihiza isabukuru y’umwaka kimaze cyemewe, ikigo cy’ubwishingizi Britam gisanzwe gikorana na Uganda Airlines cyabakoreye umugati “Cake” ikozwe mu ishusho y’indege bitangaza benshi mu bayireba.
Iyi foto ya Cake ikozwe mu ishusho y’indege yo mu bwoko bwa Bombardier CRJ-900, ubu bukaba ari bumwe mu bwoko bw’indege ikigo cya Uganda Airlines gikoresha mu gutwara abagenzi.
