Ikipe ya APR FC yageze muri 1/4 cy’irangiza cy’Igikombe cy’amahoro, nyuma yo gutsinda Amagaju FC ibitego 3-0 ikayisezerera ku giteranyo cy’ibitego 4-0.
Ibitego byo mu gice cya mbere cy’umukino birimo bibiri bya Nshuti Innocent na kimwe cya Kwitonda Alain ‘Bacca’ ni byo byafashije iyi kipe y’Ingabo z’Igihugu kugera muri 1/4 cy’irangiza cy’Igikombe cy’Amahoro.
Itangishaka Blaise ni we wari waratsindiye iyi kipe igitego 1-0 yatsindiye i Nyamagabe.
APR FC izahurira muri 1/4 cy’irangiza na Marines FC yasezereye Kiyovu Sports ifashijwe n’igitego cyo hanze, nyuma yo kunganya igiteranyo cy’igitego 2-2.
