Umutoza wa Chelsea,Thomas Tuchel, nyuma yo gutsindwa n’ikipe ya Arsenal yavuze ko mu byabagoye harimo n’ikibuga basanzwe bakiniraho cya Stamford Bridge.
Ku wa Gatatu ni bwo Arsenal ubwo yakirwaga na Chelsea ku kibuga cya Stamford Brigde mu mukino wa Shampiyona y’Abonngereza warangiye itsinze ibitego 4-2.
Umutoza Tuchel nyuma y’umukino yavuze ko gutsindwa byatewe nimpamvu zirimo ikibuga kuko kibagora, nyuma yo kuhatsindirwa ku nshuro ya gatatu yikurikiranya.
Arsenal yari imaze imikino 2, yikurikiranya idatsinda niyo yabonye igitego cya mbere ku munota wa 13 gitsinzwe na Edwartd Nketiah, ku ikosa ryakozwe na myugariro wa Chelsea Andreas Christensen.
Ku munota wa 17 Timo Werner yaje kwishyurira Chelsea kino gitego; ku munota wa 27 Arsenal iza kubona ikindi gitego cya 2 cyatsinzwe na Smith Rowe mbere gato yuko iki gitego cyishyurwa na Cesar Azpilicueta ku munota wa 32.
Arsenal yagarutse mu gice cya kabiri igaragara ko iri hejuru ya Chelsea, maze ku munota wa 57 Edward Nketiah wari wagoye ba myugariro ba Chelsea ayibonera igitego cya gatatu, mu gihe Bukayo Saka yaje gushyiramo agashinguracumu kuri penalite k’umunota wa 92.
Nyuma yuyu mukino umutoza Tuchel yavuze ko ikibuga cyabo kibagora kugikiniraho.
Ati: “Ntabwo ushobora gutsindwa imikino muri buno buryo, ntabwo bishoboka gukora bino bintu mu buryo bukurikiranye, ariko turi kubikora. Ntabwo biterwa n’umuntu ku giti cye, ahubwo n’ikibazo cy’ubwugarizi.”
Yunzemo ko”ikibuga kiragoranye kugikiniraho hano, gusa bishobora kumvikana nkaho ari urwitwazo ariko ikibuga kitugora kugikiniraho”.
Kugeza ku munsi wa 32 wa shampiyona yo mu Bwongereza ya Premier League ikipe ya Chelsea ubu iri ku mwanya wa 3 n’amanota 62 hanyuma Arsenal ni ya 5 n’amanota 57.
