Inkoni z’abashumba baragira inka ‘z’abakomeye’ ziraca ibintu ahitwa Arusha muri Nyabihu

Abaturage batandukanye batuye muri kano gace baganiriye n’itangazamakuru ku wa 31 Kanama, bagaragaje iki kibazo nka kimwe mu bibazo bibateza umutekano mucye.

Umwe mu baturage ati ” Kuva mu masaha y’umugoroba nta muntu ushobora kuva Arusha ngo agere mu Kinama, abashumba baba bari mu gasantere uhanyuze arakubitwa”.

Urugero batanga ni urw’ umusore ucuruza amandazi aba bashumba bafashe bamurira amandazi barangije bamwaka n’amafaranga n’indobo ye barayimena.

Akandi kabarore ni abandi bana babiri bavuze ko bakubiswe n’uwitwa Tuyisenge ahitwa Mumuyizi muri Nyakinama.

Aba baturage bavuga ko “Aba bashumba badukubita bitwaje ko baragira inka z’abayobozi bakomeye, twajya kubarega bigatanga ubusa.”

Umuturage wo mu Murenge wa Kintobo mu Karere ka Nyabihu we yabwiye BWIZA ko hari uduce twinshi tumeze nka Arusha muri ako karere. Uyu utuye ahitwa ku Ryinyo ati ” Hari ahantu henshi haba urugomo rw’abashumba cyane abaragira iz’abasirikare. Uretse Arusha, hari ahandi hitwa muri Iraq muri Kintobo, abashimba n’abandi banywa ibimogi barakubita bakagusha, ubuyobozi ntacyo bukora.”

Meya w’Akarere ka Nyabihu, Mukandayisenga Antoinette, yabwiye Tv1 ko atahakana ibyuru rugomo.

Uyu muyobozi avuga ko rushorobora kuba rufitanye n’isano n’umuco wo muri ako gace wo gukinisha inkoni. Ati ”Ntabwo twahakana ko uru rugomo rudahari, ariko bifitanye isano n’umuco wo gukinisha inkoni uba muri kano gace, gusa asaba abaturage gufata iyambere bakaba aribo bicungira umutekano”.

Yakomeje avuga ko bagiye gukorana n’inzego z’ibanze abagaragayeho urugomo bafatwe.

Arusha ni agace gafite amateka yihariye hafitanye isano n’amasezerano ya Arusha mu gihungu cya Tanzania. Iri zina rifite aho rihuriye n’ayo masezerano yemeje ko impunzi z’Abanyarwanda zigomba gutaha zikerekwa aho gutura.

Kurikira ibiganiro n’amavidewo binyura kuri Bwiza TV->https://www.youtube.com/channel/UC_Wx4Sy2IawVLtp5-QMRhnQ]

Ethiopia yaba ishaka u Rwanda nk’umuhuza? Abanyekongo barakariye kubona Tshisekedi inyuma ya Kagame
youtube.com