Minisitiri w’Ingabo z’u Rwanda, Juvenal Marizamunda, yatangije ku mugaragaro Icyiciro cya Mbere cy'amasomo ( Course 1-26/27) mu Ishuri Rikuru ry'u Rwanda rya Gisirikare, riherereye i Bumbogo mu karere ka Gasabo.
Muri uyu muhango, Minisitiri Marizamunda yashimiye icyiciro cya mbere cy’abasirikare bakuru batangiranye n' iri Shuri Rikuru ry' u Rwanda, anaha ikaze abayobozi baryo n’abarimu bazagira uruhare mu mahugurwa y'icyiro cya mbere azamara amezi 11.
Minisitiri w'Ingabo yavuze ko itangizwa ry’aya masomo ari intambwe ikomeye mu guteza imbere uburezi n’amahugurwa bya gisirikare bishingiye ku bumenyi n’ubunyamwuga.
Iri Shuri Rikuru ry' u Rwanda rya Gisirikare ni rimwe mu yagize Kaminuza Nkuru y' u Rwanda ya Gisirikare, ryashinzwe nyuma y’amabwiriza yatanzwe na Perezida wa Repubulika, Paul Kagame, akaba n’Umugaba w’Ikirenga w’Ingabo z’u Rwanda (RDF), hagamijwe gutanga uburezi n’amahugurwa ku rwego rwo hejuru rw’imiyoborere y’ingabo