Ivan Rakitic yasohotse mu kibuga nyuma y’umukino wa FC Barcelona na Sevilla yambaye ikariso yonyine (Amafoto)

Umunya-Croatia Ivan Rakitic yasohotse mu kibuga yambaye ikariso yonyine, nyuma y’umukino wa shampiyona ya Espagne Sevilla FC akinira yaraye ihuriyemo na FC Barcelona.

Sevilla na Barcelona zari zahuriye i Camp Nou mu mukino w’umunsi wa 30 wa shampiyona warangiye FC Barcelona itsinze igitego 1-0.

Igitego cyo ku munota wa 72 w’umukino cya Pedri Gonzalez ni cyo cyafashije iyi kipe y’i Catalunya kwegukana amanota atatu, inambura Sevilla umwanya wa kabiri.

Ivan Rakitic yari yagarutse muri Stade ya Camp Nou yarimo abarana hafi ibihumbi 80, bwa mbere kuva yatandukana na FC Barcelona muri 2020.

Iyi kipe yari ayimazemo imyaka hafi itandatu, atwarana na yo ibikombe 13 birimo bitatu yatwaranye na yo muri 2017.

Uyu munya-Croatia yakomewe amashyi n’abafana ba FC Barcelona ubwo amakipe yombi yari asohotse mu rwambariro aje kwishyushya.

Nyuma y’umukino byabaye ngombwa ko asohoka mu kibuga yambaye ikariso yonyine, nyuma yo guha abafana umupira n’ikabutura yari yakinanye umukino.

Ivan Rakitic yibukirwa cyane ku gitego yatsindiye FC Barcelona muri 2015, ubwo yatsindiraga ku mukino wa nyuma Juventus ibitego 3-1 ikayitwara UEFA Champions league.

Nyuma y’umukino uyu mukinnyi w’imyaka 34 y’amavuko yanagaragaye aganira Sergio Busquets na Jordi Alba bahoze bakinana.

Sevilla ya Rakitic yahise ifata umwanya wa kane n’amanota 57 inganya na Atlético Madrid cyo kimwe na FC Barcelona ziyiri imbere.