Umutoza w’ikipe y’igihugu ‘Amavubi’, Mashami Vincent, yahamagaye abakinnyi 37 bagomba kwitegura umukino w’ijonjora ry’Igikombe cya Afurika Amavubi agomba guhuriramo na Cape Verde.
Umukino ubanza uzabera i Praia muri Cap-Vert ku wa 13 Ugushyingo mu gihe uwo kwishyura uzabera i Kigali ku wa 17 Ugushyingo 2020.
Abakinnyi bahamagawe biganjemo abakina mu kipe ya APR FC, gusa barimo n’ababarirwa mu icumi bakina hanze y’igihugu.
Abahamagawe n’umutoza Mashami barimo rutahizamu Kevin Monnet Paquet ukinira ikipe ya St Etienne yo mu Bufaransa, nyuma y’uko mu mwaka ushize yari yagaragaje ubushake bwo gukinira ‘Amavubi’.
Urutonde rw’abakinnyi bahamagawe kandi ruriho abakinnyi batandatu bagomba gukurikiranirwa hafi, ku buryo isaha n’isaha babona umwanya mu kipe y’igihugu.
U Rwanda ni urwa nyuma mu itsinda F n’amanota 0, ni nyuma y’uko rutsinzwe na Mozambique ibitego 2-0 ndetse na Cameroun igitego 1-0 mu mikino ibiri imaze gukinwa, yombi yabaye mu Ugushyingo 2019.
Urutonde rw’abakinnyi bahamagawe na Mashami
