Umutwe wa M23 watangaje ko wemeye kuva mu birindiro byose wari ufite mu gace ka Kibumba ho muri Teritwari ya Rutshuru, yemera kubishyikiriza Ingabo z’Umuryango wa Afurika y’Iburasirazuba zagiye kugarura amahoro muri RDC (EACRF).
Umuvugizi wa M23 mu bya Politiki, Lawrence Kanyuka, yatangaje ko uyu mutwe wafashe kiriya cyemezo nyuma y’inama yawuhuje n’intumwa za EACRF ndetse n’izaKomisiyo yashyizweho ishinzwe igenzura [ry’ishyirwa mu bikorwa ry’imyanzuro y’inama y’i Luanda].
Ni inama yabaye ku wa Gatatu tariki ya 22 Ukuboza, nyuma y’indi nanone yahuje M23 n’intumwa zirimo iza EACRF, Komisiyo yashyizweho ishinzwe igenzura, MONUSCO, EJVM na FARDC yabereye i Kibumba ku wa Mbere tariki ya 12 Ukuboza 2022.
M23 mu itangazo yasohoye yavuze ko “Tutitaye ku bitero bikomeje kugabwa ku birindiro byacu ndetse n’ubwicanyi ihuriro ry’Ingabo za Guverinoma rikomeje gukorera abaturage bacu, M23 yatije ubufasha bwayo imbaraga z’akarere, bityo ikaba yemeye gushyikiriza ibirindiro byayo by’i Kibumba EACRF.”
Biteganyijwe ko saa tanu z’amanywa yo kuri uyu wa Gatanu tariki ya 22 Ukuboza ari bwo M23 ikora umuhango wo gushyikiriza EACRF ibirindiro ifite muri Kibumba. Ni umuhango ubera muri kariya gace.
Uyu mutwe watangaje ko wafashe iki cyemezo, mu rwego rwo gutiza amaboko abayobozi b’akarere bakomeje gukora ubutitsa mu rwego rwo gushaka umuti w’amakimbirane amaze igihe mu burasirazuba bwa Repubulika Iharanira Demokarasi ya Congo.
Wavuze kandi ko iki cyemezo ari ikimenyetso cy’iza cyo gushaka amahoro wagaragaje, nk’uko biri mu murongo w’imyanzuronama y’inama y’abakuru b’ibihugu by’akarere yabereye i Luanda muri Angola ku wa 23 Ugushyingo 2022.
Imwe mu myanzuro y’iyi nama yayobowe na Perezida João Lourenço wa Angola yasabaga M23 guhagarika imirwano ndetse ikanava mu bice byose yigaruriye hanyuma ikabisiga mu biganza by’Ingabo z’akarere ka Afurika y’Iburasirazuba.
Icyo gihe abarwanyi b’uyu mutwe kandi basabwe gusubira mu birindiro byabo bya kera biri mu musozi wa Sabyinyo.
M23 nyuma yo gufata icyemezo cyo kuva mu birindiro by’i Kibumba, yatangaje ko “yiteze ko Guverinoma ya Congo Kinshasa izakiriza yombi amahirwe yahawe, hanyuma na yo ikagira icyo ikora mu rwego rwo kugera ku mahoro mu gihugu.”
9 Responses
M23 yemeye kuva mu birindiro byose yari ifite i Kibumba, ibishyikiriza EACRF
Leta ya DRC yahagaze kucyemezo cyayo ko itazavugana na M23 ibyo muvuga ngo muyihaye amahirwe ntabyo izakora urusaku rw’abayobozi ba Congo nabo bahaye Ruswa ndabona birikugora m23
M23 yemeye kuva mu birindiro byose yari ifite i Kibumba, ibishyikiriza EACRF
Ingabo za EAC ntizifite mu nshingano zazo kuyobora agace ka Kongo. Bivuze ko niba M23 ivuye muri kariya gace, ingabo za Kongo (FARDC) nizo zihagenzura. Ikindi nuko M23 ikwiye kwerura: kwubahiriza amasezerano ya Nairobi na Luanda cyanga se ikemera igahangana.Iriya mikino ntacyo izatanga yuko amayeri agenda atahurwa!
M23 yemeye kuva mu birindiro byose yari ifite i Kibumba, ibishyikiriza EACRF
Leta ya DRC yahagaze kucyemezo cyayo ko itazavugana na M23 ibyo muvuga ngo muyihaye amahirwe ntabyo izakora urusaku rw’abayobozi ba Congo nabo bahaye Ruswa ndabona birikugora m23
M23 yemeye kuva mu birindiro byose yari ifite i Kibumba, ibishyikiriza EACRF
Bishya bishyira bishyito,abavuga ko DRC itazavugana na M23 baribeshya ntibazi gusesengura,iyo urebye uko ibintu byatangiye ukareba aho bigeze umenya aho bigana,kdi nibwo bwa mbere ahafashwe hadahawe DRC,sinzi uvugako M23 irimo gutsindwa aho abikura mu gihe yashyize ubuyobozi aho isize ikazakomeza kuhacungira umutekano itambaye uniform
M23 yemeye kuva mu birindiro byose yari ifite i Kibumba, ibishyikiriza EACRF
Noneho nawe urandangije ngo izakomeza kuhacungira umutekano itambaye uniform ????????
M23 yemeye kuva mu birindiro byose yari ifite i Kibumba, ibishyikiriza EACRF
Ndabona mugize neza ariko rdc ntibibona barasha intambara kandi batayishoboye.
Tchilombo arashaku rwitwazo ngo azigizeyo amatora gusa mitegure ingabo zanyu nimunagarukana muza fatire feri ikinshasa
M23 yemeye kuva mu birindiro byose yari ifite i Kibumba, ibishyikiriza EACRF
Urwanda ruzabyere kuko rutakwihanganira jonoside ikorerwa abatutsi bo rdc rurebera rwabonye isomo mubyabaye irwanda kubwanje ntibizongere ukundi kandi nu mugande yafashije inkotanyi gukuraho ikinani cyarikitujengereje 1994. Amahanga aba yayotse bya danger. gusa umuhanga mubyamategeko aburana ahakana kugeza bamuhamije icyaha kwemera ibyo ushinjwa bagufata nkutagira ubwenge.
M23 yemeye kuva mu birindiro byose yari ifite i Kibumba, ibishyikiriza EACRF
Reka tubitege amaso gusa birababaje pe. Baratwicira abantu muti tubahaye ibirindiro byacu, ahubwo mubahaye umwanya wo kwisuganya.
M23 yemeye kuva mu birindiro byose yari ifite i Kibumba, ibishyikiriza EACRF
Reka turebe ikizakurikira