Lionel Messi yongeye gukora amateka mu mupira w’amaguru, nyuma yo gutsinda igitego cye cya 930 mu mikino yose amaze gukina mu mwuga we, ubwo Inter Miami yanganyaga na San Diego FC ibitego 2-2 muri MLS.
Messi yatsinze iki gitego ku munota wa 24, nyuma yo guhabwa umupira w'umuterekano wari hafi y’urubuga rw’amahina. Uyu munya-Argentina yateye umupira n’ukuguru kw’ibumoso, urabanza ukora ku giti cy’izamu mbere yo kurenga umurongo.
Iki gitego cyari icya 20 Messi amaze gutsinda muri MLS muri uyu mwaka wa 2026, ndetse kiba icya 101 amaze gutsindira Inter Miami mu marushanwa yose. Ni na cyo gitego cya 75 atsinze ku mupira w'umuterekano mu mwuga we.
Umwanya w'Iyamamaza ry'Ubucuruzi - BWIZA ADS
Kwamamaza hano: isaackamis@gmail.com | +250 788 000 000
San Diego FC ni yo yari yabanje gufungura amazamu ku munota wa 12, ubwo Anders Dreyer yatsindaga igitego cya mbere. Messi yahise yishyura nyuma y’iminota 12.
Inter Miami yahise itsinda ikindi ku munota wa 74, cyatsinzwe na Luis Suárez. Icyakora, San Diego FC yaje gutsinda icyo kunganya ku munota wa 82.