Ikipe ya Mukura Victory Sports yatsinze APR FC igitego 1-0, mu mukino w’ikirarane w’umunsi wa gatandatu wa shampiyona y’icyiciro cya mbere utarakiniwe igihe.
Ni umukino wagombaga gukinwa ejo ku wa Mbere, gusa uza gusubikwa kubera imvura y’amahindu yaguye kuri Stade ya Kigali i Nyamirambo.
Ni umukino wasubitswe nyuma y’iminota 45 y’igice cya mbere yarangiye Mukura VS iri imbere n’igitego 1-0 cyatsinzwe ku munota wa 31 na Nyarugabo Moise.
Kuri uyu wa Kabiri ni bwo hakinwe iminota 45 y’igice cya kabiri yari isigaye n’irindwi y’inyongera, gusa APR FC yakoze ibishoboka byose inanirwa kwishyura igitego yari yatsinzwe.
