Umunya-Brésil, Neymar Jr ari mu bakinnyi batatu ba Paris Saint-Germain banduye icyorezo cya Covid-19, gusa bamerewe neza nk’uko byemejwe n’iyi kipe yo mu gihugu cyo mu Bufaransa.
Paris Saint Germain ibinyujije kuri Twitter yayo yagize iti: “Abakinnyi batatu ba PSG bagaragayeho icyorezo cya Covid-19 nyuma yo gusuzumwa kandi bafashe ingamba z’ubuzima zikwiye. Abakinnyi bose n’abakozi bose bazakomeza gupimwa mu minsi mike iri imbere.”
Paris Saint Germain ntabwo yatangaje abakinnyi bayo banduye Covid-19, gusa byamenyekanye ko abanduye barimo Neymar, Leandro Paredes na Angel Di Maria.
Aba bakinnyi uko ari batatu banduriye Ibiza muri Espagne aho bari bagiye mu biruhuko, bakaba bagomba gushyirwa mu kato k’iminsi irindwi nk’uko byatangajwe n’Ikinyamakuru L’Equipe.
