Padiri Ubald Rugirangoga ukunzwe cyane n’abiganjemo abayoboke ba Kiliziya Gatolika mu Rwanda bitewe n’ibitangaza avugwaho yagiye akorera mu bice bitandukanye by’igihugu, kuri uyu wa 21 Ukwakira 2020 byamenyekanye ko arwaye icyorezo cya Covid-19.
Iby’uko Padiri Ubald arwaye iki cyorezo byatangarijwe ku rukuta rwa Facebook rwe, akunze gukoreraho isengesho ry’Ishapure (Holy Rosary) rikiza indwara, mu buryo bw’amashusho.
Padiri Ubald yakoraga iri sengesho buri munsi ariko muri iki gihe yaherukagaho tariki ya 17 Ukwakira 2020, bikaba byaratumye abenshi bamukurikira bibaza impamvu atakigaragara.
Ubu butumwa rero bwaje busubiza icyo kibazo n’ibisa nacyo. Bugira buti: “Turisegura kubera ko hatabayeho isengesho ry’Ishapure mu minsi mike ishize. Padiri Ubald arabasaba kumusengera. Yagaragayeho Covid-19, ntabwo ameze neza.”
Iri tangazo rikomeza rivuga ko Padiri Ubald ari guhabwa ubufasha bushoboka n’ubuvuzi kugira ngo akire byihuse. Ngo mu gihe azaba ameze neza, azakomeza isengesho ry’Ishapure.
2 Responses
Padiri Ubald Rugirangoga arwaye Covid-19
Imana igirire neza Padiri wacu akire vuba icyo cyorezo cya COVID-19.
Padiri Ubald Rugirangoga arwaye Covid-19
Imana igirire neza Padiri wacu akire vuba icyo cyorezo cya COVID-19.