Kuri uyu wa Gatanu mu gitondo, Papa Leo XIV yahagurutse ku Kibuga cy’Indege Mpuzamahanga cya Fiumicino i Roma, yerekeza muri Amerika y’Amajyepfo mu ruzinduko rwe rwa gishumba; akaba ari urugendo rwa gatandatu akoze kuva yatangira inshingano ze nka Papa. Ni nyuma y’ibyumweru bitatu gusa abazwe kubera kanseri y’ibihaha mu Bitaro bya Kaminuza bya Agostino Gemelli i Roma.
Indege ya kompanyi ya ITA Airways, itwaye Papa n’abanyamakuru bamuherekeje, yahagurutse saa moya n’iminota itanu za mu gitondo (7:05). Kuva kuri uyu wa 6 kugeza ku wa 17 Ugushyingo, Papa azasura ibihugu bya Uruguay, Argentine na Peru.
Vatican yatangaje ibinyujije kuri X ko uru rugendo rwa Papa rutangirira i Montevideo muri Uruguay, aho azahura n’abayobozi muri Leta n’abanyapolitiki, akanayobora amasengesho y’umugoroba (Vespers) hamwe n’abakristu bo muri icyo gihugu.
Nyuma azakomereza muri Argentine, aho azasura imijyi ya Buenos Aires, Córdoba na Luján, hanyuma akomereze muri Peru, aho azasura Lima, Chiclayo, Cusco na Pucallpa.
Muri uru rugendo rw’iminsi 12, biteganyijwe ko Papa Leo azasura imijyi icumi, agakora ingendo z’indege inshuro zigera kuri cumi n’ebyiri, kandi akageza ijambo ku bantu inshuro zigera hafi kuri 40 mu rurimi rw’Icyesipanyolo.
Ku wa 13 Ukwakira 2026, Papa Leo XIV yakozweho ibikorwa byo kubagwa mu gice cyo mu gituza — bifashishijwe amashusho — byamaze hafi iminota 90, hagamijwe gukuramo igice cyo hasi cy’ihaha rye ry’iburyo nyuma y’uko habonetseho ikibyimba gito.
Ku wa 13 Ukwakira 2026, nibwo Papa Leo XIV yabazwe mu gice cyo mu gituza mu gikorwa cyamaze hafi iminota 90, hagamijwe gukuraho igice cyo hasi cy’igihaha cye cy’iburyo nyuma y’uko habonetseho ikibyimba gito.