Rwanda: Habonetse abandi barwayi ba Coronavirus batanu

Minisiteri y’Ubuzima mu Rwanda kuri uyu wa 10 Mata 2020 yatangaje ko hagaragaye abandi barwayi ba Coronavirus 5, igiteranyo cy’abamaze kugaragaraho iki cyorezo ni 118.

• Aba barwayi bashya ni abahuye n’abagaragayeho Coronavirus mu Rwanda.

• Abantu 7 ni bo bakize iki cyorezo, barasezererwa, bajya mu ngo iwabo.

• Abarwayi 111 ni bo bari kwitabwaho mu Kigo Nderabuzima cya Kanyinya giherereye mu karere ka Nyarugenge.

Minisiteri y’Ubuzima iramenyesha Abanyarwanda ko umuntu wese uhisha cyangwa akanga gutanga amakuru arebana n’abahuye n’umurwayi wa Coronavirus cyangwa agahisha ibimenyetso byayo, aba ashyize ubuzima bwa benshi mu kaga kandi abihanirwa n’amategeko.

Ibimenyetso bya Coronavirus ni inkorora, guhumeka bigoranye n’umuriro. Ubigaragaje asabwa:

• Guhamagara umurongo utishyurwa wa 114 agahabwa ubufasha.

• Ashobora no kwipimisha akoresheje *114#, agakurikiza amabwiriza.

• Yakohereza ubutumwa bugufi kuri 0788202080.

• Ukoresha uburyo bwa E-mail, yakohereza ubutumwa kuri callcenter@rbc.gov.rw.