Igisirikare cya Sudani cyataye muri yombi umuyobozi w'ishyaka ryahoze ku butegetsi rigendera ku mategeko akakaye ya kisilamu, ku butegetsi bwa Omar al-Bashir, ushakishwa n’Urukiko Mpuzamahanga Mpanabyaha, nk’uko byatangajwe n’abayobozi b’ishyaka rye.
Ahmed Haroun, uyoboye ishyaka ryahoze ku butegetsi rya National Congress muri Sudani, amaze imyaka myinshi yihisha kandi ashakishwa n’Urukiko Mpuzamahanga Mpanabyaha kubera ibyaha by’intambara n’itsembabwoko byakorewe mu karere ka Darfur mu ntangiriro za 2000.
Yahakanye ibyo birego avuga ko bishingiye kuri politiki.
Mu kiganiro cyatambutse kuri televiziyo kuwa Gatandatu, Haroun yari yavuze ko NCP n’ingabo bashobora kuba badahuje umurongo wa politiki ariko ko bafatanyije mu ntambara yo kurwanya inyeshyamba za Rapid Support Forces.
Abayobozi babiri ba NCP (National Congress Party) bemeje ifatwa rya Haroun, ariko ntiharasobanuka impamvu igisirikare cyihindutse inshuti. Ntacyo mu Gisirikare cya Sudani cyangwa ICC baratangaza.
Abakozi b'iri shyaka rya kisilamu bavuga ko bafashije ingabo gutera intambwe ifatika mu kurwanya RSF mu myaka irenga itatu y’intambara yateje ubwicanyi, inzara n'ihunga ry'abaturage.
Inkuru yanditswe na: Denis Nsengiyumva
Umunyamakuru wa BWIZA.COM wanditse inkuru 11,310.