Ishyaka ritavuga rumwe n’ubutegetsi CHADEMA rivuga ko imyigaragambyo ishingiye ku matora muri Tanzaniya yaguyemo “abantu hafi 700” kuva ku wa Gatatu, itariki ya 29 Ukwakira.
Abayoboke baryo basuye ibitaro byo hirya no hino kugira ngo bagere kuri iyi mibare.
Umuvugizi wa CHADEMA, John Kitoka, yatangarije AFP ati: “Ubu tuvugana, abapfuye i Dar es Salaam bagera kuri 350 naho i Mwanza hari abarenga 200. Niba twongeyeho imibare yaturutse mu tundi turere tw’igihugu, tugera ku bantu hafi 700 bapfuye.”
Umubare nk’uwo ngo wahawe AFP n’umwe mu bo mu nzego z’umutekano utifuje ko amazina ye atangazwa.
