Umuhanzi The Ben, Alyn Sano n’utunganya umuziki Run (David) bakoze amateka mu bihembo bya East Africa Arts Entertainment Awards 2025 (EAEA).
The Ben yegukanye ibihembo bitatu birimo: Best Music Video ku ndirimbo Plenty, Best Artist Rwanda, na Best Hit Song Rwanda ku ndirimbo True Love.
Alyn Sano yegukanye igihembo cya Best Rwanda Sound abikesha indirimbo ye Head, mu gihe Producer Run yegukanye Best Breakthrough Audio Producer Africa.
Abanya-Kenya nibo begukanye ibihembo byinshi muri rusange, barimo Bien-Aimé Baraza watsindiye bitatu birimo Best Male Artist, Mr Seed na KRG The Don nabo batsindiye mu byiciro byabo.
Abandi bagaragaraye ni Tems watwaye Best Global African Female Artist, Chris Brown na Davido begukanye Best International Collaboration kuri HMMM, na Wizkid watsindiye Global Album of the Year kuri Morayo.
Ibi bihembo byabaye ishusho y’uburyo Afurika y’Iburasirazuba ikomeje gutera imbere mu myidagaduro.
