Abayobozi baravuga ko guhana imfungwa hagati ya Ukraine n'u Burusiya biteganijwe ko ari ko kwa mbere kunini mu myaka irenga itatu y'intambara ishize, biteganijwe ko gukomeza kuri iki Cyumweru.
Mu mishyikirano yabereye Istambul, muri Turkiya, mu ntangiriro z'uku kwezi, Kyiv na Moscou byemeye guhinduranya imfungwa z’intambara 1.000 n’abafungwa b’abasivili.
Perezida wa Ukraine, Volodymyr Zelenskyy na Minisiteri y’Ingabo y’u Burusiya bavuze ko kuri uyu wa Gatandatu, itariki 24 Gicurasi 2025, abasirikare 307 bahinduranyijwe, nyuma y’uko ku wa Gatanu abasirikare n’abasivili 390 barekuwe.
Kuri uyu wa Gatandatu, Zelenskyy abinyujije ku muyoboro we wa telegram yagize ati: "Turateganya ko ejo hazaza abandi."
Kugeza ubu nta bisobanuro birambuye byatanzwe ku mubare w'abafunzwe bashobora guhererekanwa kuri iki Cyumweru nk'uko iyi nkuru dukesha DW ivuga.