Umushyushyarugamba akaba n’umunyamakuru, Edwin Katamba uzwi nka Mc Kats yaretse akazi k’imyidagaduro yakorega muri Hoteli ya Pearl of Africa kugira ngo akomeze ku mukunzi we w’Umunyarwandakazi, Fille Mutoni. Katamba uzwi nka MC Kats yafashe iki cyemezo nyuma y’iminsi micye yiyunze na Fille babyaranye. Ni nyuma y’aho aba bombi mu ntangiriro z’umwaka wa 2019 bari bashwanye bashinjanya gucana inyuma. Amakuru agera kuri Bwiza.com ni uko kwegura ku kazi kwa Katamba ari ukugira ngo ahe umwanya uhagije uyu mugore abereye manaja, kuri ubu bari gukorana imishinga ya Alubumu izashyirwa hanze mu minsi iri imbere. Katamba yatangaje ko iyi alubumu izaba yitwa ‘Fille Unlimited’. Bigeye ivuga ko Kats yeguye mu cyumweru gishize ndetse ubu ngo akaba atakibarizwa mu bakozi ba hoteli Pearl of Africa. Urukundo rw’aba bombi rwaranzwe no gutandukana no gusubirana bya hato na hato ku bwo kutizerana.
