Perezida Samia Suluhu Hassan wa Tanzania yatowe n’amajwi 100% kuba umukuru w’ishyaka Chama Cha Mapinduzi (CCM) riri ku butegetsi, aba umugore wa mbere ukuriye iri shyaka kuva ryashyingwa. Umwanya w’umukuru w’iri shyaka nta muntu wari uwuriho kuva John Magufuli yatabaruka muri Werurwe 2021. Kuri uyu Gatanu ni nabwo bwa mbere inama nkuru y’iri shyaka riri ku butegetsi yeteranye nyuma y’urupfu rwa Magufuli wari umukuru waryo. Benshi barindiriye kubona impinduka Madamu Samia Suluhu azazana mu butegetsi no muri iri shyaka ryashinzwe mu 1977 kandi ryagumye ku butegetsi kuva icyo gihe. Akunze kuvuga ko we na nyakwigendera Magufuli ari umuntu umwe kandi ko ibizashyirwa mu bikorwa ari imishinga migari yari yarateguye mbere y’urupfu rwe. Kurikira ibiganiro n’amavidewo binyura kuri Bwiza TV
