Umugore w’Umunyamerika witwa Cassie Lynn Snay w’imyaka 27 yemeye icyaha cyo gukora ibikorwa by’imibonano mpuzabitsina n’imbwa ye ndetse akabifata amashusho, nk’uko bigaragara mu nyandiko z’urukiko.
Iperereza ryatangiye nyuma y’uko polisi ifashe telefone y’umugabo witwa Trey Mettler, aho basanzemo amafoto n’amashusho menshi agaragaza ibikorwa by’imibonano mpuzabitsina byakorewe ku mbwa. Inyandiko z’urukiko zivuga ko Snay yagaragaraga muri hafi y’ayo mashusho yose.
Mu ibazwa rye, Snay yemeye ko yakoze ibyo bikorwa kandi ko ari we wohereje ayo mafoto n’amashusho kuri Mettler. Yavuze ko imbwa zagaragaraga muri ayo mashusho zari ize, ariko ko ibikorwa byabaye ku mbwa imwe gusa.
Yemeye ibyaha bibiri aregwa bifitanye isano no gukora imibonano mpuzabitsina n’inyamaswa. Mu masezerano yagiranye n’ubushinjacyaha, yemeye icyaha, ateganyirizwa igifungo cy’umwaka umwe, nyuma agakurikirwa n’inzego z’igororamuco.
Urukiko rwamutegetse kutongera kwegera izo mbwa no kwitabira gahunda y’ubujyanama igenewe abakora ibyaha bifitanye isano n’ihohoterwa rishingiye ku gitsina.
