Umuhanzi Corneille yasabiye imbabazi amagambo ye yafashwe nk’apfobya Jenoside

Cornelius Nyungura, Umuririmbyi w’Umunyarwanda uzwi ku izina rya ‘Corneille’, yasabye imbabazi nyuma y’amagambo yanditse agafatwa nk’apfobya Jenoside yakorewe Abatutsi.

Ku wa 07 Mata ubwo Abanyarwanda n’incuti zabo batangiraga icyunamo cyo kwibuka Jenoside yakorewe Abatutsi mu 1994, ni bwo Corneille yanditse kuri Twitter amagambo agira ati”The timing of all this is so surreal… #NeverAgain #RwandanGenocide”

#genocideagainsttutsis indeed. And you are right to correct me. In this instance precision in symentics matters even more. Apologies.

— Corneille (@corneillemusic) April 7, 2020

Icyatumye Corneille acyahwa si ubutumwa buvuga ko ibyabaye muri Jenoside birenze ukwemera, ahubwo ni hashtag yakoresheje igaragaza ko habaye Jenoside y’Abanyarwanda, nyamara yakabaye iyakorewe Abatutsi.

Mu bacyashye uyu muhanzi utuye i Quebec muri Canada, harimo uwitwa Kwitonda Ernest. Uyu yagize ati”Ntuzongere kubivuga gutyo. Ni Jenoside yakorewe Abatutsi si Jenoside yakorewe Abanyarwanda nkuko wabivuze.’’

Uwera Béatrice na we yunzemo ati “wayita uko ubishaka, ukuri ni uko ari Jenoside yakorewe Abatutsi.’’

Mukamana Alice na we ati”Wikwigira injiji mwana. Reka tuguhe igisobanuro cy’ukuri, “Jenoside yakorewe Abatutsi.”

Nyuma y’uko Corneille ashinjwe kuyobya imvugo, yagarutse kuri Twitter yandika asaba imbabazi agira ati”Kuri mwese mwakomerekejwe na hashtag nakoresheje, mwakoze kunsubizanya ikinyabupfura. Kuri mwese mwakomerekejwe n’imbabazi nasabye, munyihanganire ariko mbihagazeho. Ntabwo twakira tudaha ibintu inyito yabyo”.

#genocideagainsttutsis indeed. And you are right to correct me. In this instance precision in symentics matters even more. Apologies.

— Corneille (@corneillemusic) April 7, 2020

To the people offended by my 1st hashtag, thx for responding so respectfully. To the people offended by my apology, sorry but I stand by it. We can’t heal from a thing if we don’t call it what it is…

— Corneille (@corneillemusic) April 7, 2020

Ibyo kuvuga ko atavuye ku izima na byo byasembuye abantu, biba ngombwa ko na byo abitangira ibisobanuro.

Yagize ati” Kubyita Jenoside yakorewe Abatutsi ntabwo ari uguhakana ko hari abandi babigendeyemo. Ariko Jenoside yakorewe Abatutsi uko niko biri. Nari mpari. Narabyiboneye. (Kuvuga ngo) Jenoside yakorewe Abanyarwanda ntacyo bisobanuye… Ubwicanyi ntabwo bwibasiye itsinda ryitwa Abanyarwanda.”

…to call it a genocide against Tutsis is not to deny that there were collateral victims who weren’t tutsis. But the genocide WAS against Tutsis. Period. I was there.I have seen it.A Rwandan genocide doesn’t mean anything… the killings did not target a group called “Rwandans.”

— Corneille (@corneillemusic) April 7, 2020

Corneille w’imyaka 43 y’amavuko, yavukiye i Freiburg mu Budage ku babyeyi n’Abanyarwanda. Igice kinini cy’ubwana bwe yakimaze mu Rwanda, mbere yo kwerekeza i Quebec muri Canada mu 1997, ari na aho akorera umuziki we aririmba indirimbo z’Icyongereza n’Igifaransa.

Si ubwa mbere Corneille avuzweho gupfobya Jenoside yakorewe Abatutsi, kuko mu myaka yashize yakunze kuvuga amagambo yakunze kujya atera urujijo ku myumvire ye mu birebana na Jenoside yakorewe Abatutsi.

Muri yo harimo kuvuga ko Jenoside yakorewe Abanyarwanda, gusa hari n’aho yakunze kumvikana avuga ko habaye Jenoside yakorewe Abatutsi n’iyakorewe Abahutu.

Mu 2016 ubwo yari kuri Televiziyo ya LCI yo mu Bufaransa, yavuze ko hari Abahutu bishe Abatutsi, gusa ku rundi ruhande hakaba hari n’abasirikare b’Abatutsi bishe Abahutu.