Urujeni Martine niwe watorewe kuba umuyobozi w’Umujyi wa Kigali wungirije ushinzwe Ubukungu n’Imibereho Myiza ku majwi 298 kuri 397 y’inteko itora. Yari asanzwe ari Umuyobozi Mukuru wa serivisi ishinzwe kwegereza ubutabera abaturage muri Minisiteri y’Ubutabera. Agiye kuri uyu mwanya asimbuye Nadine Umutoni Gatsinzi, wagizwe Umuyobozi Mukuru w’Ikigo gishinzwe Imikurire no kurengera umwana. Aya matora yabereye kuri Petit Stade i Remera, yitabiriwe na Minisitiri w’Ubutegetsi bw’Igihugu, Gatabazi Jean Marie Vianney, Umuyobozi w’Umujyi wa Kigali Pudence Rubingisa , Perezida w’Inama Njyanama y’Umujyi wa Kigali Dr. Kayihura Muganga Didas n’abandi bayobozi batandukanye.
