Umunya-Colombia Jhonatan Restrepo yegukanye agace ka gatatu ka Tour du Rwanda kakinwe kuri uyu wa Kabiri.
Abasiganwa bahagurukiye imbere y’inyubako ya MIC mu mujyi wa Kigali, berekeza mu karere ka Rubavu ku ntera y’ibirometero 155.
Restrepo yegukanye agace ko kuri uyu wa Kabiri akoresheje amasaha atatu, iminota 54 n’amasegonda 10. Yakoresheje ibihe bingana n’abakinnyi batandatu bamukurikiye.
Umunyarwanda waje hafi ni Hakizimana Seth wageze i Rubavu ari uwa 23, arushwa umunota umwe n’amasegonda 31 na Restrepo. Yanganyaga ibihe n’abarimo Niyonkuru Samuel, Mugisha Samuel na Uwihirwe Byiza Renus.
