Urukiko rw’Ibanze rwa Gasabo rwasubitse iburanisha ry’urubanza rwa Niyigaba Clement, wagombaga kuburana ku ifungwa n’ifungurwa ry’agateganyo.
Iki cyemezo cyafashwe ku wa 20 Mata 2026, nyuma y’uko umunyamategeko we atangaje ko atiteguye kuburana, asobanura ko batabonye umwanya uhagije wo gusoma no gusuzuma dosiye y’uregwa.
Urukiko rwanzuye ko iburanisha rizasubukurwa ku wa 27 Mata 2026 saa tatu za mu gitondo.
DC Clement akurikiranyweho ibyaha bitanu birimo kwangiza ibintu by’undi ku bushake, guteza imvururu muri rubanda, ndetse no kurwanya ububasha bw’amategeko.
Urubanza rwe rukomeje gukurikiranwa cyane n’abaturage bitewe n’uburemere bw’ibirego aregwa n’uko ruzagenda rutunganywa mu nkiko.