Uwahoze ari umuyobozi w’Urwego rw’Igihugu rw’Ubugenzacyaha muri Amerika (FBI), James Comey, yashinjwe guhungabanya ubuzima bwa Perezida wa Leta Zunze Ubumwe za Amerika, Donald Trump, ikirego gikomoka ku ishusho yasangije akanya gato abamukurikira ku mbuga nkoranyambaga.
Ishusho yashyizwe kuri Instagram umwaka ushize yerekanaga ibizwi nka nka seashells (bimwe bivamo ibinyamunjongo) byakoze imibare “86 47”.
“Mirongo inani na gatandatu” ni ijambo rikoreshwa mu gusobanura “gusohora” cyangwa “gukuraho”.
Comey yashimangiye ko atari azi icyo imibare iri kuri iyo shusho isobanura, ariko Trump n’abandi bayobozi mu butegetsi bwe bavuze ko ibi ari iterabwoba kuri perezida wa 47.
Kuri uyu wa Kabiri ushize, Comey asubiza ku byaha aregwa, yagize ati: “Ndacyari umwere, nta bwoba n’ubu mfite, kandi ndacyizera ubutabera bwigenga bw’igihugu.”
Mu kiganiro n’abanyamakuru avuga kuri iki kirego, Umuyobozi wa FBI, Kash Patel, yavuze ko nk’uwahoze ari umuyobozi w’ikigo, Comey “yari azi neza impamvu n’ingaruka zo gukora iyo post”.
Comey yirukanwe na Trump muri manda ye ya mbere, nyuma y’uko uwahoze ari umuyobozi wa FBI afunguye iperereza ku kwivanga kw’u Burusiya mu matora ya Perezida wa Amerika yo mu 2016.
