Umujyanama wa Perezida Yoweri Kaguta Museveni wa Uganda akanaba umuhungu we, Gen Muhoozi Kainerugaba, yaburiye abanyapolitiki bamurwanya ababwira ko baba banarwanya se batabizi.
Gen Muhoozi yabitangaje kuri uyu wa Kabiri tariki ya 03 Mutarama 2023.
Yagize ati: “muri Politike yo kurya inyama z’abantu ya NRM, reka mvuge ibi. Abandwanya barwanya data.”
Gen. Muhoozi Kainerugaba yatangaje ibi nyuma y’uko bamwe mu banyapolitiki muri Uganda bakomeje ibikorwa byo kurwanya gahunda ye yo kwiyamamariza kuyobora icyo gihugu muri 2026.
Ni abarangajwe imbere na Maj Gen (Rtd) Kahinda Otafiire usanzwe ari Minisitiri w’Umutekano w’imbere muri Uganda.
Otafiire mu cyumweru gishize yatatse Gen Muhoozi, amusobanura nk’udakora uko bikwiye.
Muhoozi yaboneyeho gusaba abanya-Uganda kureka guha agaciro icyo yise “amahomvu ya Muhoozi” bakazatora Museveni mu matora ataha ya 2026.
Muhoozi mu butumwa yanyujije kuri Twitter ye, yifashishije umugani w’ikinyankole yibutsa ko “imfura ingana na se.”
Maj Gen Kahinda Otafiire yasubizaga afatwa nk’imwe mu bagize agatsiko k’imbere mu ishyaka NRM bamurwanya.
Abandi ni Rtd Gen David Sejusa na Rtd Lt Gen Henry Tumukunde.
One Response
Uwo ari we wese undwanya, arwanya na data_Gen. Muhoozi
Ariko se koko hari urwanda Muhoozi? Njye mbona ntawe umurwanya kurusha uko yurwanya! Abagande se batora Muhoozi ngo babone uko bacana umubano n’abaturanyi? Abanyekongo batari abatutsi ntibacana uwaka kandi abatutsi ntibageze kuri 1 ky ijana (1%), Kenya yo ngo ntizamara umunsi ku bwe! Uburundi nabwo aziga uko bwategekwa n’abavukanye imbuto. Operation Rudahirwa nayo iziga ikibazo cya Tanzania, …! Koko ninde watora Muhoozi?