Umunya-Suède Zlatan Ibrahimovic ukinira ikipe ya AC Mian yerekanye imodoka iri mu bwoko bwa Ferrari ibarirwa mu gaciro ka € 400,000 (arenga Frw miliyoni 400) ubwo yizihizaga isabukuru y’imyaka 40 y’amavuko.
Uyu rutahizamu yagaragaye atwaye iyi modoka izwiho kunyaruka, dore ko ishobora kugenda ibirometero 211 ku isaha ikaba inakoreshwa n’amashanyarazi.
Zlatan azwiho kugura no kugendera mu modoka zihenze kuko nibura yatakaje miliyoni 1.4 ku bwoko bwa Ferrari bwa utra-rare Ferrari Monza mu myaka 2 ishize.
Mu zindi modoka yatunze harimo Lamborighin Urus SUV, Ferrari Enzo, Audi S8, Lambrghini Gallarado na Maserati Gran Turismo.
Zlatan wakiniye amakipe atandukanye nka Manchester United, PSG, Barcelone, ubu ni umukinnyi w’inkingi ya mwamba muri AC Milan, aho muri uyu mwaka w’imikino amaze gutsinda ibitego 8 mu mikino yose yakinnye, anabasha gutanga imipira 2 yavuyemo ibitego.
