Umugabo wo mu gihugu cya Uganda yitabaje Urukiko Rushinzwe kurinda itegeko nshinga arusaba kubuza Abayisilamu gukomeza kwita Imana, Allah cyangwa Imana ya Yesu no kugereranya Islam n’Ubukirisitu.
Uyu mugabo witwa Ivan Samuel SSebadduka, wiyita Umukirisitu wemera Imana imwe (monotheist), ashimangira ko nubwo abayisilamu bafite uburenganzira bwo kgisenga nk’uko biteganywa mu itegeko nshinga, badafite uburenganzira bwo kwivanga mu myizerere ijyanye n’iyobokamana y’abandi bita Imana yabo Allah cyangwa Imana ya Yesu.
Monotheism ni imyizerere y’uko habaho “Imana imwe rukumbi”.
Uyu mugabo nk’uko bigaragara mu kirego yashyikirije urukiko kuwa 04 Ukwakira, yasabye urukiko kubuza Abayisilamu kugereranya iyobokamana ryabo, Imana na Koran babigereranya n’Ubukirisitu, Yehova na Bibiliya Yera.
Akomeza agira ati: “T we Abakirisitu bemera Yehova Eli Shaddai, (Yehova Mana Ushobora byose). Turashaka guhagarika Abayisilamu kwita Imana yacu, Imana ya Yesu na Allah. Nibyo dufite umuremyi umwe ariko ntibisobanuye ko uwacu (Abakirisitu) yitwa Allah !”
Ssebadduka yareze Mufti wa Uganda, Sheikh Shaban Ramadan Mubajje, Mufti w’Ikirenga, Sheikh Silman Kasule Ndirangwa, Abagize Inama Y’Ikirenga ya Kisilamu muri Uganda, Abagize Ishyirahamwe Da’awa muri Uganda ndetse n’undi muntu wese wiyita Umuyisilamu.
Mu kirego cye, nk’uko iyi nkuru dukesha Daily Monitor ikomeza ivuga, akomeza avuga ko Imana y’Abakirisitu yitwa Yahova Ali Shaddai, atari Allah, kandi ko Imana ya buri muntu, iyo bakorera ititwa Allah. Ati: “Ibyo bavuga nta shingiro kandi nta kuri kwa Bibiliya bifite muri byo ,”
Avuga ko Abakirisitu bo mu rungano rwe bashaka kugaragaza itandandukaniro rya Yehova Eli Shaddai na Allah ndetse no hagati ya Yesu Kristo na Isa.
Avuga ko Isa aho avugwa hose atapfuye. Bityo ngo akaba ntaho ahuriye na Yesu Kristo w’i Nazareti wapfuye akazuka kandi bombi ntibagererenywa.
Ssebadduka akomoza ku Rukiko rwo muri Malaysia, igihugu avuga ko kiganjemo Abayisilamu, avuga ko ibyo avuga narwo rwabyemeje ko Isa atari Yesu ndetse ko Allah atari Yehova.
Ati: ” Abanyacyubahiro abacamanza muri Malaysia bakoze amateka ubwo batandukanyaga ukuri kuva mu binyoma. Mu by’ukuri, Isa ntabwo ari Yesu na Allah ntabwo ari Yehova. Iyo baba umwe, kuki abacamanza bari kubatandukanya ?,”
Akomeza agira ati: “K uri ubu Abakirisitu muri Malaysia ntabwo bemerewe kwita Imana yabo Allah. Niba Guverinoma ya Malaysia yarasabye urukiko gufata uyu mwanzuro, kuki Abakirisitu bo muri uru rungano batasaba uru rukiko gufata umwanzuro nkawo ?”
Nk’uko amateka abigaragaza, Yesu Kristo yari umuvugabutumwa w’Umuyahudi wo mu kinyejana cya mbere ndetse akagira n’abamukurikira. Niwe zingiro ry’Ubukirisitu. Abakirisitu bizera ko ari Imana yigize umuntu, akaba Umwana w’Imana ndetse akaba Umucunguzi, Messiah wavuzwe mu Isezerano rya Kera ku bemera Bibiliya.
Abayisilamu nabo bemera ko Yesu (bita Isa mu Cyarabu) yari Umuhanuzi w’Imana, wavutse ku Isugi Mariya ndetse azagaruka ku Isi mbere y’Umunsi w’Urubanza aje kugarura ubutabera ndetse no kunesha Messiah w’Ikinyoma bita mu cyarabu, “al-Masih ad-Dajjal”, abandi bita Anti-Kiristo. Ntibemera na gato ariko Yesu ari Umwana w’Imana.
Urukiko rwo muri Uganda rukaba rwamuhaye iminsi 10 yo gusuzuma ikirego cye mbere yo kuzamuha umwanzuro.
2 Responses
Uganda: Yajyanye idini , abayobozi n’ab’iyita Abayisilamu bose mu rukiko abaziza kwita Imana, Allah
Ok ni byiza ko ahari impaka haba n’abakemura mpaka. Anti-christo bishatse kuvuga guhakana cg gusibanganya cg kuvanaho ibya Kristo Yesu. Igitabo cy’Abayisiramu (Coran) kivuga ko nyuma ya Mohamadi nta wundi muhanuzi uzaza hanyuma. Reka turebe ko ari byo cg niba atari byo. Niba ari ikinyoma!. Bibiliya ivuga ko nyuma ya Yesu hazaza umuhanuzi w’ibinyoma akaba na Anti-Kristo. Ni ikihe gitabo gifite ukuri? Njyewe mbona ko ibyo bitabo byombi bifite ukuri kandi kutajegajega. Uti biteye bite ko mbona bisa n’ibivuguruzanya? Dore uko biteye: Nyuma ya Yesu haje MUHAMADI. Nyuma ya MUHAMADI nta wundi muhanuzi uzaza. Nyuma ya Yesu umuhanuzi w’ibinyoma yaraje kandi nta wundi muhanuzi uzaza nyuma ye. Ibyerekeye Anti-Kristo: Anti-virus= Ikivanaho virus cg kikayangiza cg kikayibuza gukora; Guhakana Genocide ni ugukoresha uko ushoboye ukagaragaza mu bikorwa cg mu magambo( icengezamatwara) ko genocide itabayeho cg niba yarabayeho ikaba yarabaye ku mpamnde zombi bityo igatakaza kwibasira ubwoko bumwe kdi igatakaza kwitwa genocide. Anti-Kriso: Ahari Imana Yehova uhashyire Allah, ahari Bibiliya uhashyire Coran; ahari Yesu Christo uhashyire MUHAMADI; ahari Yerusalem uhashyira Meck; ukuzuka batarongora uhashyire kuzarongora abagore benshi b’amaso manini.Ahari ko yazutse uhashyire ko atazutse, ahari ko yaturutse mu ijuru uhashyire ko ari uwa Mariya.Etc.
Uganda: Yajyanye idini , abayobozi n’ab’iyita Abayisilamu bose mu rukiko abaziza kwita Imana, Allah
Ok ni byiza ko ahari impaka haba n’abakemura mpaka. Anti-christo bishatse kuvuga guhakana cg gusibanganya cg kuvanaho ibya Kristo Yesu. Igitabo cy’Abayisiramu (Coran) kivuga ko nyuma ya Mohamadi nta wundi muhanuzi uzaza hanyuma. Reka turebe ko ari byo cg niba atari byo. Niba ari ikinyoma!. Bibiliya ivuga ko nyuma ya Yesu hazaza umuhanuzi w’ibinyoma akaba na Anti-Kristo. Ni ikihe gitabo gifite ukuri? Njyewe mbona ko ibyo bitabo byombi bifite ukuri kandi kutajegajega. Uti biteye bite ko mbona bisa n’ibivuguruzanya? Dore uko biteye: Nyuma ya Yesu haje MUHAMADI. Nyuma ya MUHAMADI nta wundi muhanuzi uzaza. Nyuma ya Yesu umuhanuzi w’ibinyoma yaraje kandi nta wundi muhanuzi uzaza nyuma ye. Ibyerekeye Anti-Kristo: Anti-virus= Ikivanaho virus cg kikayangiza cg kikayibuza gukora; Guhakana Genocide ni ugukoresha uko ushoboye ukagaragaza mu bikorwa cg mu magambo( icengezamatwara) ko genocide itabayeho cg niba yarabayeho ikaba yarabaye ku mpamnde zombi bityo igatakaza kwibasira ubwoko bumwe kdi igatakaza kwitwa genocide. Anti-Kriso: Ahari Imana Yehova uhashyire Allah, ahari Bibiliya uhashyire Coran; ahari Yesu Christo uhashyire MUHAMADI; ahari Yerusalem uhashyira Meck; ukuzuka batarongora uhashyire kuzarongora abagore benshi b’amaso manini.Ahari ko yazutse uhashyire ko atazutse, ahari ko yaturutse mu ijuru uhashyire ko ari uwa Mariya.Etc.