Uganda yageze mu Rwanda mbere yo gucakirana n’Amavubi (Amafoto)

Ikipe y’Igihugu ya Uganda ‘The Cranes’, yamaze kugera i Kigali aho yitabiriye umukino w’ijonjora ryo gushaka itike y’Igikombe cy’Isi cya 2022 cyo muri Qatar uzayihuza n’Amavubi y’u Rwanda.

Uyu mukino wa Gatatu wo mu itsinda E uzabera kuri Stade ya Kigali i Nyamirambo saa kumi n’ebyiri z’umugoroba w’ejo ku wa Kane tariki ya 07 Ukwakira, mbere y’uwo kwishyura uzabera kuri Stade ya St Mary yo mu gace ka Kitende ku Cyumweru tariki ya 07 Ukwakira.

Mu rukerera rwo kuri uyu wa Gatatu ni bwo Imisambi ya Uganda yageze i Kigali, mbere yo kujya gucumbika muri Park inn Hotel.

Iyi kipe y’umutoza Milutin Micho ugiye kongera guhura n’Amavubi yahoze atoza, igizwe n’abakinnyi 25 barangajwe imbere na Kapiteni wayo Khalid Aucho usanzwe akinira Young Africans yo muri Tanzania.

Urutonde rw’abakinnyi 25 Uganda yazanye i Kigali

Abanyezamu: Isima Bin Rashid Watenga (Chippa United, South Africa), Charles Lukwago (Saint George, Ethiopia), Nafian Alionzi (URA, Uganda)

Ba myugariro: Isaac Muleme (Victoria Zizkov, Czech Republic), Innocent Wafula (KCCA, Uganda), Timothy Dennis Awanyi (Ashdod, Israel), Mustafa Kizza (Montreal Impact, Canada), Livingstone Mulondo (Vipers, Uganda), Abdul Azizi Kayondo (Vipers, Uganda), Enock Walusimbi (Express, Uganda), Fesali Najib (URA, Uganda), Geoffrey Waswa (KCCA, Uganda)

Abakina hagati : Khalid Aucho (Young Africans, Tanzania – Captain), Moses Waiswa (SuperSport United, South Africa), Tadeo Lwanga (Simba, Tanzania), Ibrahim Orit (Vipers, Uganda), Bobosi Byaruhanga (Vipers, Uganda), Denis Iguma (KCCA, Uganda), Julius Poloto (KCCA, Uganda), Shafik Kuchi Kagimu (URA, Uganda), Martin Kizza (Express, Uganda)

Ba rutahizamu: Azizi Fahad Bayo (Ashdod, Israel), Yunus Sentamu (Vipers, Uganda), Steven Desse Mukwala (URA, Uganda), Cromwell Rwothomio (URA, Uganda).