Igisirikare cya Repubulika Iharanira Demokarasi ya Congo (FARDC), cyishe umusirikare wacyo wo ku rwego rwa Colonel ashinjwa gukorana n’umutwe wa M23 bahanganye mu ntambara.
Col Mushagalusha Birhuman Alias Tera Novo, yarasiwe na bagenzi be mu gace ka Kibati ho muri Teritwari ya Nyiragongo; mu ntara ya Kivu y’Amajyaruguru.
Uyu musirikare w’Umushi ukomoka i Bukavu ho mu ntara ya Kivu y’Amajyepfo yishwe ashinjwa kugirana imikoranire n’umutwe wa M23.
Uyu mutwe kuva ku wa Kane w’icyumweru gishize uhanganye mu mirwano ikomeye n’Ingabo za Congo Kinshasa.
Umuvugizi wa M23, Major Willy Ngoma, yatsembeye BWIZA ko uriya Ofisiye wa FARDC wishwe yakoranaga na bo.
Kuri ubu imirwano ikaze iracyajya mbere muri Groupement ya Kibumba, ku birometero bitanu uvuye ku mupaka w’u Rwanda.
Amakuru agera kuri BWIZA avuga ko kuri ubu Ingabo za Congo Kinshasa zikomeje kurwana no kwirukana inyeshyamba muri kariya gace, ariko nanone zinacungira hafi mu rwego rwo kwirinda ko imirwano yatemba isatira Umujyi wa Goma uherereye ku birometero 25 uvuye mu gace imirwano iri kuberamo.
2 Responses
Colonel muri FARDC yishwe na bagenzi be ashinjwa gukorana na M23
N’ukuwikurako abakokeza imigwano none nk’iyo mu colonel yari avuze iki kumira ngo ahemukire igihugu haute trahison vraiment !!??
Colonel muri FARDC yishwe na bagenzi be ashinjwa gukorana na M23
N’ukuwikurako abakokeza imigwano none nk’iyo mu colonel yari avuze iki kumira ngo ahemukire igihugu haute trahison vraiment !!??