Moise Katumbi arashinja Leta y’i Kinshasa guhutaza abaturage bigaragambije

Moise Katumbi usanzwe atavuga rumwe na Leta iri ku butegetsi bwa Repubulika Iharanira Demokarasi ya Congo,arashinja Guverinoma kuba yarakoresheje imbaraga z’umurengera mu guhosha imyigaragambyo yabaye kuri uyu wa Kane.

Ni imyigaragambyo yabereye i Kinshasa, yari igamije kwa magana ibirimo kuva mu matora, Amatora yiswe aya balimnga.Abantu batandukanye barimo Moise Katumbi nawe wari wiyamamaje, banenze uburyo polisi yiraye mu baturage bigaragambyaga ikabamishamo ibyuka biryana mu maso.

Iyi myigaragambyo ntiyamaze umwanya munini kuko yakomwe mu nkokora n’inzego zishinzwe kurinda u mutekano w’igihugu.Uretse abigaragambyaga batatanyijwe ngo hari abapolisi bayikomerekeyemo.

Kugeza ubu ibikomeje kuva mu majwi by’agateganyo, Tshisekedi akomeje kuza ku isonga ariko bikaba bigishidikanywaho ko ayo majwi ari ayibwe biturutse muri Komisiyo y’amatora CENI.Ni mu gihe Moise Katumbi arimo kumurya isataburenge akaba ari nawe wahabwaga amahirwe yo kwegukana intsinzi.