Ishami ry’Umuryango w’Abibumbye ryita ku Burezi, Ubumenyi n’Umuco (UNESCO) ritangaza ko icyorezo cya Coronavirus kimaze gutuma 80% by’abanyeshuri bo ku isi yose ubu bari mu ngo z’iwabo kubera ifungwa ry’amashuri. Mu nama uyu muryango wakoranye n’abaminisitiri b’uburezi bo mu bihugu bitandukanye byiganjemo ibyugarijwe n’icyorezo cya Covid-19 kuri uyu wa Mbere tariki 23 Werurwe, abaminisitiri batangaje ko iki cyorezo cyakomye mu nkokora ibihugu bitandukanye biri gukora uburyo bwose bushoboka abana bakigira mu rugo hakoreshejwe murandasi. Raporo y’uyu muryango igaragaza ko mu minsi 10 umubare w’abanyeshuri bagizweho n’ingaruka no gufunga amashuri yisumbuye na za Kaminuza babarirwa muri miliyari 1.37 baturuka mu bihugu 138 byo ku isi. Aba kandi biyongeraho na miliyoni 60.2 by’abarimu batagikandagira mu byumba by’amashuri ngo bigishe ubu nabo bakaba bicaye murugo. Iyi nama yakurikiye iya mbere yabaye tariki 10 Werurwe 2020 yarimo abaminisitiri b’uburezi mu bihugu 11 bitandukanye nka Costa Rica, Ubutaliyani, Iran, Nigeria, Senegal, Misiri, Ubufaransa, Peru, u Buyapani, Megizike na Croatia. UNESCO ishishikariza ibihugu byose byahagaritse amashuri gufasha no gukangurira abanyeshuri gukomeza amasomo yabo bifashishije uburyo bw’iyakure (Distance Learning) aho bishoboka amasomo amwe n’amwe akajya acishwa ku matereviziyo abanyeshuri bakayakurikirana bari mu ngo z’iwabo muri iki gihe Covid-19 itari yagabanya umuvuduko. Icyorezo cya Coronavirus gikomeje kujegeza Isi cyatumye ibikorwa byinshi mu bihugu bitandukanye bihagarara cyane cyane amashuri. Ubu Coronavirus imaze kwandura abasaga 392,286 abarenga 17,147 bakaba barahitanywe nayo mugihe 103,389 bamaze kuyikira. Mu Rwanda naho amashuri y’incuke, abanza, ayisumbuye na za kaminuza amashuri yarahagaritswe by’agateganyo. Ikigo cy’Igihugu cy’Uburenzi (REB) cyatangarije abarimu, ababyeyi n’abanyeshuri ko guhera kuwa 23 Werurwe 2020 gishyizeho uburyo bushya bukoresha murandasi mu kwiga(E-Learning) mu rwego rwo gufasha abanyeshuri kwiga no gusubira mu masomo mu gihe bakiri mu ngo mu buryo bwo kubarinda kudindira mu myigire. Mu gusubiza ibibazo n’ibitekerezo abantu batanze kuri iyi gahunda bagaragaza ko ivunanye kubera abanyeshuri bose badafite ibikoresho by’ikoranabuhanga, REB ibinyujije ku rukuta rwayo rwa Twitter yabwiye abantu ko izakoresha uburyo bwose bushoboka buri munyeshuri akabasha kugerwaho n’ubu buryo. U Rwanda rurabarura abarwayi 40 banduye Coronavirus mu gihe ku isi abamaze kwandura basaga 424,804 abarenga 18,939 bakaba barahitanywe na yo naho 109,209 bamaze gukira iki cyorezo.
2 Responses
Abanyeshuri basaga miliyari bicaye iwabo kubera Coronavirus- UNESCO
Abanutwaridutu nzwe nogukara turabahogute mutuvuganire reta irebe uko ibiryenza turashonje?
Abanyeshuri basaga miliyari bicaye iwabo kubera Coronavirus- UNESCO
Abanutwaridutu nzwe nogukara turabahogute mutuvuganire reta irebe uko ibiryenza turashonje?