Umunyamabanga wa Leta Zunze Ubumwe za Amerika, Marco Rubio, yatangaje ko ubuyobozi bwa Trump bwambuye viza z’abantu “barenga 300” bivugwa ko bafitanye isano n’imyigaragambyo yo muri za kaminuza ishyigikiye Palesitine.
Kuri uyu wa Kane, itariki 27 Werurwe 2025, ubwo yari mu ruzinduko rw’akazi muri Guyanna, Rubio yagize ati: “Turabikora buri munsi. Igihe cyose mbonye umwe muri aba basazi, mwambura viza.”
“Igihe kimwe, ndizera ko tuzabirangiza kuko tuzaba twabikuyeho.”
Inkubiri yo gufata no gusubiza iwabo abimukira bije mu gihe ubuyobozi bwa Trump bushaka guhana abatavuga rumwe na politiki za Amerika, cyane cyane kuri Israel nk’uko tubikesha DW.
Rubio ati: “Twaguhaye viza yo kuza kwiga no kubona impamyabumenyi, ntabwo ari ukuba impirimbanyi y’imibereho cyangwa gusenya ibigo byacu bya kaminuza.”
“Niba utubeshye ukabona viza ukinjira muri Amerika, hanyuma hamwe n’iyo viza, ukitabira ibikorwa nk’ibyo, tuzakwambura viza yawe.”
Guverinoma ya Amerika ivuga ko Ivugurura rya mbere, ihame shingiro ry’itegeko nshinga ryemeza ubwisanzure bwo kuvuga icyo utekereza, ridakora ku baturage batari Abanyamerika mu manza zo gusubizwa iwabo (Deportation cases), ibintu byateje impaka cyane mu nzobere.
One Response
None abanyamerika nabo ko aho bari hose bivanga muri politike y’ibihugu barimwo? Ibihugu vyirukaniwe abanyeshure navyo nivyirukane abanyamerika babibamwo bivanga muri politike yavyo