Umuryango utegamiye kuri Leta urengera abanyamakuru (Committee to Protect Journalists (CPJ) utangaza ko abanyamakuru 47 bo mu bihugu byo munsi y’ubutayu bwa Sahara bafunzwe, muri bo hakabamo batanu bo mu Rwanda. Iyi mibare yariyongereye kuko raporo ya CPJ igaragaza ko kugeza tariki 1 Ukuboza 2020, abanyamakuru bafunzwe bavuye kuri 39 muri 2019 bagera kuri 2020. Mu Karere ka Afurika y’Iburasirazuba u Rwanda ruherereyemo, ruraza ku mwanya wa mbere, aho rufite abanyamakuru batanu bafunzwe, hagakurikiraho U Burundi bufunze bane. Ni mu gihe ibihugu nka Tanzania na Kenya bitari kuri uru rutonde kuko nta n’umwe bifunze. Mu banyamakuru bo mu Rwanda bashyizwe ku rutonde na CPJ harimo: Damascene Mutuyimana wa Iwacu TV wafunzwe kuwa 8 Ukwakira 2018, Niyonsenga Dieudonne wa Ishema TV wafunzwe kuwa 15 Mata 2020, Jean Baptiste Nshimiyimana wa Iwacu TV wafunzwe kuwa 9 Ukwakira 2018, Phocas Ndayizera wigenga wafunzwe kuwa 21 Ugushyingo 2018 na Schadrack Niyonsenga wa Iwacu TV wafunzwe kuwa 9 Ukwakira 2018. Mu bindi bihugu harimo Sudani y’Epfo ifunze babiri na Uganda ifunze umwe. Mu bindi bihugu harimo nka Eritrea ifunze 16, Cameroon umunani na Ethiopia barindwi. Muri rusange nk’uko CPJ ibitangaza, abanyamakuru 274 barafunzwe ku Isi yose. Dore uko ibihugu bikurikirana mu gufunga benshi ku Isi China 47 CPJ muri raporo yayo ivuga ko abanyamakuru bagiye bafungwa bari mu kazi kabo mu bihe bya COVID-19 mu gihe ahandi baryozwa ibibazo bya politiki.
Turkey 37
Egypt 27
Saudi Arabia 24
Eritrea 16
Vietnam 15
Iran 15
Belarus 10
Russia 10
Cameroon 8
Ethiopia 7
2 Responses
EAC 2020: U Rwanda ni urwa mbere mu gufunga abanyamakuru benshi
Tanzania yafunze uwitwa kabendera
EAC 2020: U Rwanda ni urwa mbere mu gufunga abanyamakuru benshi
Tanzania yafunze uwitwa kabendera