FARDC ivuga ko itarabona amakuru ku rupfu rwa Gen. Gaseni wa FLN

Umuvugizi w’Ingabo za Congo mu Ntara ya Kivu y’Amajyepfo, Capt. Dieudonné Kasereka, yabwiye BBC ko mu mpera y’icyumweru gishize bagabye ibitero ku nyeshyamba z’Abanyarwanda mu karere ka Kalehe bakazambura uduce zari zifite turimo ahitwa Kashei.

Yemeza ko hari abapfuye muri iyo mirwano ariko atarabona imibare yose. Amakuru avugwa y’iyicwa rya General Jean Pierre Gaseni bivugwa ko yari ayoboye inyeshyamba za FLN, avuga ko atarayabona.

Visi- Perezida wa MRCD ari nayo ifite inyeshyamba za FLN, Faustin Twagiramungu avuga ko amakuru y’urupfu rwa Gen. Gaseni yayumvise, ariko ko ntacyo yayavugaho kuko atari ku rugamba.

Bihabanye n’inkuru zari ziganje mu bitangazamakuru no ku mbuga nkoranyambaga ko uwo Gen. Gaseni yishwe kandi ko abandi basirikare bakuru bakwiriye imishwaro.

Inkuru bijyanye:

Ahabanza

Ku kibazo cy’uko FARDC yaba ari kugaba ibitero ku nkambi bitavugwaho rumwe ko ari iz’Abanyarwanda, avuga ko mu mirwano y’ingabo n’inyeshyamba abaturage batatanye ariko ngo ubu hagarutse agahenge bari gukangurira abavuye mu byabo kugaruka.

Ku kibazo cy’izi mpunzi, Simon Englebert Lukubu, Umuvugizi wa UNHCR muri DR Congo, yabwiye BBC ko “nta nkambi z’impunzi z’Abanyarwanda ziri muri DR Congo.

Inkuru bijyanye:

Ahabanza