Umutwe wa M23 watangaje ko Igisirikare cya Repubulika Iharanira Demokarasi ya Congo (FARDC) cyitabaje abarwanyi ba FDLR mu bitero birimo kuwutegurwaho.
Ni amakuru yemejwe n’Umuvugizi wa M23, Willy Ngoma, wavuze ko ibirindiro byabo byagoswe n’umutwe w’abarwanyi ba FDLR, bayobowe na Gen de Brigade Ruhinda.
Yabwiye ikinyamakuru Taarifa ati: “Ingabo za Congo zahaye FDLR intwaro zikomeye mu bice bya Masisi. Ni abarwanyi bagera ku 1000 bambaye impuzankano ya FARDC. Bagose ibirindiro byacu hafi ya Pariki y’Igihugu ya Virunga.”
M23 iravuga ko abarwanyi ba FDLR biyambajwe mu kuyihiga, mu gihe kuva imaze igihe yarongeye gusubukura ibitero ku ngabo za Congo Kinshasa.
Mu busanzwe uyu mutwe washinzwe ku wa 4 Mata 2012, gusa uza gutsindwa intambara warwanagamo na FARDC n’Ingabo za SADC mu 2013 biba ngombwa ko abari bawugize baratatana bamwe bahungira muri Uganda, abandi mu Rwanda.
Mu Ugushyingo umwaka ushize ni bwo wongeye kwisuganya utangira kongera kugaba ibitero ku ngabo za Congo Kinshasa ushinja Leta y’iki gihugu kutubahiriza amasezerano basinyiye i Nairobi mu 2013, yagenaga uburyo bwo guhosha imirwano burundu n’abarwanyi bahunze bagatahuka.
Bimwe mu bikubiye muri aya masezerano harimo kuba bamwe mu bahoze ari abarwanyi b’uriya mutwe bakwinjizwa mu ngabo za FARDC no mu nzego z’ubutegetsi za kiriya gihugu.
Mu kwezi gushize M23 yashinjwe n’Ingabo za Leta ya Congo kugaba ibitero ahitwa Nyesisi mu Ntara ya Kivu y’Amajyaruguru hafi ya Pariki y’Igihugu ya Virunga; bigwamo abasirikare babarirwa muri 40.
Umwe mu bishwe icyo gihe yari umusirikare mukuru ufite ipeti rya Colonel.
Uwo mutwe na wo watakaje abarwanyi benshi nubwo umubare utatangajwe.
4 Responses
FARDC yaba yitabaje FDLR mu guhiga abarwanyi ba M23
IBI NI AGASOMBOROTSO. Izo ntwaro amaherezo yazo ni aya he? UBWO MURANYUMVIRA IBYO MURI IKI GIHUGU? IBAZE NAWE ABARWANYI 1000 ba FDRL? NON NON!!!!!!! OU EST MONUSCO? L’ONU SE YO BITE?
FARDC yaba yitabaje FDLR mu guhiga abarwanyi ba M23
IBI NI AGASOMBOROTSO. Izo ntwaro amaherezo yazo ni aya he? UBWO MURANYUMVIRA IBYO MURI IKI GIHUGU? IBAZE NAWE ABARWANYI 1000 ba FDRL? NON NON!!!!!!! OU EST MONUSCO? L’ONU SE YO BITE?
FARDC yaba yitabaje FDLR mu guhiga abarwanyi ba M23
Iyi nkuru iravuguruza ibyo Gen Kabarebe yatubwiye. Yatubwiye ko FDLR yazimye. Mu minsi ishize twumvise ko iyo FDLR yaba yariyometse kuri ADF – uretse ko nabyo bisa n’urwenya – kandi ko kuyirwanya bisa ubufatanye hagati y’ibihugu byo mu karere. Nonese niba FARDC iyishyigikiye kandi Uganda ifatanyije na FARDC, uko gufatanya kuzashoboka gute? Mbese byose bigiye kuba amayobera. Ariko kandi si ibyo gusa: Bivugwa ko Urwanda ruvuga ko rurwanya abantu ba ADF kandi bizwi ko umushoramari w’ibikorwa bya ADF, Moustafa, we yibera i Kigali. Nkeka rero umuti nyawo ari ukubanza gukemura ibyo bibazo bidasobanutse uhereye kucy’abaha ubufasha abagizi banabi.
FARDC yaba yitabaje FDLR mu guhiga abarwanyi ba M23
Iyi nkuru iravuguruza ibyo Gen Kabarebe yatubwiye. Yatubwiye ko FDLR yazimye. Mu minsi ishize twumvise ko iyo FDLR yaba yariyometse kuri ADF – uretse ko nabyo bisa n’urwenya – kandi ko kuyirwanya bisa ubufatanye hagati y’ibihugu byo mu karere. Nonese niba FARDC iyishyigikiye kandi Uganda ifatanyije na FARDC, uko gufatanya kuzashoboka gute? Mbese byose bigiye kuba amayobera. Ariko kandi si ibyo gusa: Bivugwa ko Urwanda ruvuga ko rurwanya abantu ba ADF kandi bizwi ko umushoramari w’ibikorwa bya ADF, Moustafa, we yibera i Kigali. Nkeka rero umuti nyawo ari ukubanza gukemura ibyo bibazo bidasobanutse uhereye kucy’abaha ubufasha abagizi banabi.