Kalev Mutond, wahoze ari Umuyobozi Mukuru w’Ikigo cy’igihugu gishinzwe Ubutasi muri Repubulika ya Demokarasi ya Congo (ANR), yapfuye kuri uyu wa Mbere, itariki 5 Ukwakira 2026 apfiriye i Paris mu Bufaransa ku myaka 69, nk’uko byatangajwe n’umuryango we muri iki gitondo.
Iyi ntasi yakomokaga mu majyepfo ya Katanga, yari yari yaragiye azamuka mu ntera muri ANR kugeza ubwo yafashe umwanya wo kuyiyobora mu Kwakira 2011, umwanya yamazeho hafi imyaka umunani, akaba ari amateka.
Kalev yari umuntu wa hafi wa Joseph Kabila, wahoze ari Perezid awa Repubulika ya Demokarasi ya Congo, akaba yari yarahawe akabyiniriro ka "super police" ni we wari ufite umutekano w’ubutegetsi mu biganza icyo gihe.
Uyu mugabo waje gufatirwa ibihano na Leta Zunze Ubumwe za Amerika mu 2016, hakurikiraho Umuryango w’Ubumwe bw’u Burayi mu 2017 kubera ihonyorwa ry’uburenganzira bwa muntu, yakurikiranweho ibyaha by’iyicarubozo no gufunga mu buryo butemewe n’amategeko nyuma y’inzibacyuho, mbere y’uko hakurwaho inyandiko zo kumuta muri yombi zari zasohowe muri Kanama 2023.
Impamvu y’urupfu rwe ntiramenyekana neza.