Perezida wa Leta zunze ubumwe za Amerika Donald Trump yajyanwe mu bitaro igitaraganya nyuma yaho atangiriye kugaragaza ibimenyetso byoroheje bya Covid-19.
Ibiro bye White House byatangaje ko perezida Trump asa nunaniwe cyane. Mbere y’uko ajyanawa mu bitaro bivugwako yatewe urushinge rw’umuti w’imvange ukiri mu igeragezwa.
Hifashijwe indege ya kajugujugu yo mu bwoko bwa Marine one, ihora mu busitani bwa White house, Perezida Trump yajyanwe mu bitaro bya Gisirikare bya Walter Reed National Military Medical Center biri mu nkengero z’umujyi wa Washington DC aho agiye kuba akuriranirwa bya hafi n’inzobere mu guhangana n’indwara z’ibyorezo.
Abasesenguzi ba Politiki bavuga ko kuba Trump yanduye Covid-19 bishobora ku mubera ikibazo mu matora abura ukwezi kumwe ngo abe aho muri Leta Zunze Ubumwe za Amerika.
Kuwa Kane ,tariki ya 1 Ukwakira 2020 nibwo inkuru yasakaye mu bitangazamakuru ko Trump n’umugore we Melania Trump banduye Covid-19.
Nyuma y’uko inkuru y’uko Trump yanduye Covid-19 imenyekanye, Joe Biden bahanganye mu matora yamwifurije gukira vuba mu gihe , abandi ba Democrate bamusabye ko nakira azajya atanga ubuhamya ku cyorezo Covid-19 yahoze atesha agaciro ko ari ibicurane bisanzwe.
2 Responses
Perezida Trump yatewe umuti wa Covid-19 ukiri mu igeragezwa
Imana ifashe uwo mwuzukuru Wa Hitler akire nubwo yanga abirabura ariko ntitumwifuriza ikibi.
Perezida Trump yatewe umuti wa Covid-19 ukiri mu igeragezwa
Imana ifashe uwo mwuzukuru Wa Hitler akire nubwo yanga abirabura ariko ntitumwifuriza ikibi.