Kuri uyu wa Mbere, itariki 16 Werurwe, Inteko Ishinga Amategeko ya Repubulika ya Demokarasi ya Congo iratangira kuganira ku Masezerano y’Amahoro ya Washington yashyizweho umukono hagati y’u Rwanda na Congo mu mwaka ushize.
Perezidansi ya Congo yatangaje ko Perezida Félix Tshisekedi yakiriye umukuru w’inteko ishingamategeko umutwe w’abadepite Aimé Boji Sangara na Jean-Michel Sama Lukonde ukuriye umutwe wa sena kugira ngo babiganireho.
Amasezerano ya Washington yasinywe muri Nyakanga 2025 yemezwa mu Kuboza na ba Perezida Paul Kagame na Tshisekedi iruhande rwa Perezida Donald Trump.
Mu gihe abagirwaho ingaruka n’intambara mu burasirazuba bwa Congo bari bizeye ko aya masezerano azayihagarika, nk’uko na Perezida Trump yari yabisezeranyije, ntabwo ari ko byagenze.
Guverinoma ya Kinshasa ishinja umutwe wa AFC/M23 guhonyora ayo masezerano, mu gihe uyu mutwe na wo ushinja leta kuyarengaho no kongera ibitero ku birindiro byawo no mu bice igenzura bituwe cyane..
