Tunisia: Gisagara VC yanditse amateka muri shampiyona Nyafurika

Ikipe ya Gisagara Volleyball Club yanditse amateka yo kwegukana umwanya wa gatatu muri Shampiyona Nyafurika, nyuma yo gutsinda Port Douala yo muri Caméroun amaseti 3-1.

Gisagara Volleyball Club y’umutoza Nyirimana Fidèle ni yo kipe rukumbi ya hano mu Rwanda yanditse amateka yo kwegukana umudari w’umuringa muri iriya shampiyona ikomeje kubera muri Tunisia.

Gisagara yatangiye umukino nabi itsindwa iseti ya mbere ku manota 25 kuri 18, gusa iza kwitwara neza mu iseti enye zakurikiyeho zose iza kuzegukana.

Iyi kipe yo mu majyepfo y’u Rwanda yegukanye iseti ya kabiri ku manota 25 kuri 23, iya gatatu yo iyegukana ku manota 25 kuri 18 mbere yo gutwara iya nyuma nanone ku manota 25 kuri 18.

Gisagara yegukanye umwanya wa gatatu muri iyi shampiyona nyuma y’uko ku munsi wejo yari yasezerewe na Esperance de Tunis yo muri Tunisia nyuma yo kuyitsinda amaseti 3-0.