Imfungwa zacitse gereza y’i Moroto muri Uganda zatangaje ko Covid-19 ivuza ubuhuha muri iyi gereza iri mu mpamvu zaziteye gupanga kuyicika igitaraganya.
Daily Monitor yatangaje ko itsinda rihuriwemo n’abacungagereza, ingabo na polisi ryashinzwe guhiga imfungwa 219 zacitse gereza y’i Moroto muri Uganda ryatangaje ko ryongeye kurasa izindi mfungwa 2 mu zacitse.
Zimwe mu mfungwa zagaruwe muri gereza zivuga ko mu mpamvu nyamukuru zaziteye gucika zirimo n’uko iyi gereza babamo yibasiwe cyane n’icyorezo Covid-19.
Umuvugizi w’Jrwego rw’Imfungwa muri Uganda, Frank Baine yatangaje ko mu bipimo byafatiwe muri gereza ya Moroto bigaragaza ko imfungwa 166 zanduye Covid-19, muri zo 60 ziri mu zacitse.
Umuvugizi wa Diviziyo ya 3 mu gisirikare cya Uganda ari nayo ifite ingabo ziri mu itsinda rishakisha izi mfungwa zacitse, Maj. Peter Mugisha yavuze ko igikorwa cyo guhiga izi mfungwa kigikomeje, cyane ko ngo izacikanye intwaro zose zitarafatwa.
Imfungwa zibarirwa muri 219 Ku wa Gatatu w’icyumweru gishize ni bwo zacitse Gereza y’i Moroto. Kugeza ubu batanu muri bo bamaze kwicwa mu gihe abandi benshi bagikomeje gushakishwa uruhindu.
.
2 Responses
Uganda: Imfungwa zacitse gereza y’i Moroto ngo zahungaga Covid-19 ivuza ubuhuha muri gereza
Uganda se nayo yica imfungwa zitorotse? hanyuma kdi ikaba ishuka Kayumba ngo izamufasha gukuraho Kagame kuko yigeze kurasa imfungwa? hahahah ibigarasha bya museveni birashukika kabisa.
Uganda: Imfungwa zacitse gereza y’i Moroto ngo zahungaga Covid-19 ivuza ubuhuha muri gereza
Uganda se nayo yica imfungwa zitorotse? hanyuma kdi ikaba ishuka Kayumba ngo izamufasha gukuraho Kagame kuko yigeze kurasa imfungwa? hahahah ibigarasha bya museveni birashukika kabisa.