Umunya-Sénégal Diouf wayoboye Olympique de Marseille yishwe na COVID-19

Umunya Sénégal Pape Diouf wigeze kuyobora ikipe ya Olympique de Marseille yo mu Bufaransa, yitabye Imana kuri uyu wa 31 azize Virusi ya Corona.

Inkuru y’urupfu rwe yazanwe bwa mbere n’ibitangazamakuru byo muri Sénégal, mbere yo guhabwa umugisha n’ikinyamakuru L’équipe cyo mu Bufaransa.

Kuri uyu wa kabiri ni bwo uyu mugabo wapfuye afite imyaka 68 yari yajyanwe kwa muganga, nyuma yo kugira ikibazo mu myanya y’ubuhumekero kubera Coronavirus yari yaranduye. Ku wa gatandatu w’icyumweru gushize ni bwo byamenyekanye ko yanduye Coronavirus.

Pape Diouf wavutse mu 1951, yinjiye mu Bufaransa agiye kurwanira igisirikare cya kiriya gihugu nk’uko se umubyara yabikoze akirwanira mu ntambara ya kabiri y’Isi, gusa nyuma yo kugerayo yibera umunyamakuru w’imikino.

Uyu mugabo yamenyekanye muri ruhago ubwo yari ahagarariye abakinnyi b’ibihangage nka Basile Boli, Didier Drogba na Samir Nasri.

Guhagararira abakinnyi byatumye Diouf akorana na Olympique de Marseille, birangira ayoboye iyi kipe hagati ya 2005 na 2009, aho yasimbuwe na Jean Claude D’assurer.

Yitabye Imana mu gihe kuri uyu wa gatatu byari byitezwe ko ajyanwa kuvurizwa mu Bufaransa mu buryo bwihariye.