Minisiteri y’Ubuzima muri Tanzania kuri uyu wa 31 Werurwe 2020 yatangaje urupfu rw’umurwayi wa mbere wa Coronavirus muri iki gihugu akaba yari umugabo w’imyaka 49 wo muri mu Mujyi wa Dar es- Salaam. Itangazo ryatanzwe na Minisitiri w’Ubuzima muri iki gihugu, Ummy Mwalimu muri iki gitondo rivuga ko uyu mugabo w’imyaka 49 yari asanzwe afite ibindi bibazo by’ubuzima akaba yapfuye mu rukerera rwo kuri uyu wa 31 Werurwe 2020. Abantu bamaze kwandura Virusi ya Corona ni 19 muri Tanzania, umwe akaba yaravuwe agakira naho undi ikaba yamuhitanye. Iki gihugu cyatangaje umurwayi wacyo wa mbere wa Virusi ya Corona ku itariki 16 Werurwe 2020, uyu akaba yari umugabo wari wageze muri iki gihugu aturutse mu Bubiligi azanwe na RwandAir ikamusiga ku kibuga cy’indege Mpuzamahanga cya Kilimandjaro. Mu Rwanda icyorezo cya Coronavirus kimaze kugaragara ku bantu 70 gusa nta murwayi n’umwe wari wahitanwa nacyo.
2 Responses
Umurwayi wa mbere yahitanwe na Coronavirus muri Tanzania
URwanda Nicyipe Idasanzwe korona?izashira vuba mu Rwanda!!!!
Umurwayi wa mbere yahitanwe na Coronavirus muri Tanzania
URwanda Nicyipe Idasanzwe korona?izashira vuba mu Rwanda!!!!